Ẹ JẸ́ Ó YẸ MÍ

Ẹ̀yin àgbà ò fọ̀rọ̀ ṣòwò ilẹ̀ yìí,

Ẹ̀yin ni mò ń ké sí.

Àwa àtòpè ò ṣe pọ̀

Wọ́n ní békòló bá ti júbà ilẹ̀,

Ilẹ a lanu fún un ni.                 5

Ìbà ni mo wáá ṣe lọ́dọ̀ ẹ̀yin àgbà.

Ẹ fẹnu tún mi ṣe.

Ẹnu labẹ́rẹ́ fi ń táṣọ ṣe.

Àgbà, tí mo bá sì ṣẹ̀ yín,

Ẹ má fi hùwà sí mi.                   10

Ẹ fi mí sun ẹyẹ tó ṣu mí

Ki wọn sọ fun mi.

Gbẹ̀dẹ̀gbẹ̀dẹ̀ níí rọ kòkò lágbàlá,

Ibi ó tutù là á bá ẹnini.

Kó rọ̀ fẹ́yin àgbà, kó tù fáwa èwe     15

Èyí tá a wí rèé o, ẹ jẹ́ ó ṣẹ.