BÀBÁ JỌ̀Ọ́

Á à à! Ayé ẹ ṣèyí tán

Tiyín lẹ ṣe, ẹ ò ṣe tỌlọ́run Ọba

Èyí ò mà dáa, ẹ ẹ̀ sì rò ó ṣe

O torí  o lówó, o ń rẹ́nìkejì jẹ

O torí o lọ́lá, o ń tẹnìkejì mọ́lẹ̀ 5

Bàbá jọ̀ó, èyí ò dáa; o ò sì rẹ̀ ńlẹ̀

Ṣé torí ọmọ ò wá ọ wálé

Lo ṣe pé kò ṣe dáadáa

Nnú ìdánwò tó kọjá

Ọlọ́run mà ń bẹ, adákẹ́dájọ́                   10

O ní bỌ́lọ́run ó máàfáà, kì í sojú ọmọ-ọn kéwú

Pé kílẹ̀ tóó pòsìkà, ohun rere á ti bàjẹ́

Ó dáa náà, kò burú

O ti gbàgbé pỌ́lọ́run àtijọ́ níí pẹ́ mú-ùnyàn

Bààlúù ni tòní ń gùn                          15

Bàbá jọ̀ọ́, má jọ́mọ ọ̀ún  ṣẹ̀wọn láìṣẹ̀

Bó o ṣe jù ú lọ lỌlọ́run ṣe jù ọ́ lo,̣ kò ṣe ọ́ níkà

Erin ń gbégbó, èlírí náà ń fibẹ̀ ṣebùgbé

Ẹ ṣe wáá ní kọ́mọdé má mì mọ́ ńlẹ̀ yí

Bàbá jọ̀ọ́, ẹ rò ó wò, èyí ò sunwọ̀n    20

Káṣàá fò, káwòdì fò

Kẹyẹ gbogbo fò láìfapá kanra ni

Bí ò sí tìjà