ALÁYA PÚPỌ̀

Mo ní ẹ ronú, ọmọ Yoòbá, ẹ tóó káya jọ

Òrìṣà jẹ́ n péjì obìin ò dénú

Ojú ni gbogbo wa fi ń fẹ́raa wa

Ẹní láya púpọ̀ sọ̀bàlẹ̀ ọkàn nù

Ara ìyá èyí ò yá, ara baba tọ̀hún ò le          5

Àmódi ń ṣẹ̀gbọ́n-ọn tibí, ọ́ fẹ́ bíńtín  sí araa tìyín

Sókè, sódò lọkọ ó máa lọ bí ìlẹ̀kẹ̀ ìdí

Lámọrín ò rọ́mọ bí, tẹ̀mẹ̀dò ò rósùu rẹ̀ mọ́

Gbogbo ẹ̀, gbògbò ẹ̀, lórí ọkọ ni

O ti ṣe fún tèmi lẹ́bà tó o gbéyán fún ti ẹ                                            10

Bá n namọ-ọ̀n mi nùun, òféérefé ọ̀rọ̀ ni

Ọkọ yìí ò bá ro ọ̀rọ̀ yí ire o tóó ṣe é

Ayé ti yí padà, ayé ti di gbẹ̀dẹ̀mùkẹ̀

Gbogbo ohun à á fi ẹni pupọ ṣe ló ti ẹńjìn-nì

Àṣejù lojú méjì, n ò mọbi tá a gbójú kan dé tí ò ríran.                 15