Àjọdún Àṣà ìbílẹ̀

Ó ṣe náà ṣùgbọ́n kè è pẹ́ jìnàjìnà

Ni gbogbo àwọn dúdú fibí ṣèpàdé

Láti gbáṣà ìbílẹ̀ ga

Owó tó ná wa kúò ńdíẹ̀

Ṣùgbọ́n a kò ṣàìyọ doromọ́ kan pàtó          5

Ìgbéga àṣà èèyàn dúdú

Táwọn funfun ti pò mọ́lẹ̀

Oníjó ń jó, aláyò ń yọ̀

Ṣùgbọ́n níjọ́ míìn bírú èyí bá tún ń bọ̀

Ẹ jẹ́ á ro tàwọn mẹ̀kúnnù                                     10

Ká fi pípè náà ṣe ti wọn

Kí wọn bá wa dá sí i.

Kọ́rọ̀ ó lè gún

Ẹnìkan è é jẹ

Kí fífẹ̀ di tile                                      15

Yíyẹ níí yẹ ni

Tá a bá rìn tá a pọ̀

Ṣùgbọ́n ẹ gbàgbé ni

Péjó nìkan kọ́ làṣàa wa

Ẹ ẹ̀ bọ̀sanyìn, kẹ́ ẹ bọṣàngó               20

Kẹ́ ẹ pògún onírè, kẹ́ ẹ pọbàtálá

Kí gbogbo ayé fojú róhun ti wa

Àléébù lèyí, ẹ dákun ẹ wò ó wò

Í í déwájúú dẹjọ́

Í í déyìn-ín dasọ̀                              25

Aìímọ̀-ọ́nrìn kórí má jì

Ṣùgbọ́n tó bá mì

N ṣe là á gbé e é gún