ADÉBÁYỌ̀ FÁLÉTÍ

Obìin mẹ́ìndínlógún

N ní ń bẹ́ lọ́ọ̀dẹ̀ẹ Ṣàngó

Ńbi ká sánpá

Ńbi ká yan

Lọyá  fi gbọkọ lọ́wọ́ọ gbogbo wọn   5

Ńbii ká sọ̀rọ̀, ká fa kòmóòkun yọ

N la ṣe ń perúu yín lákéwì àtàtà

Fohùn òkè ta ko tìsàlẹ̀ nìkan

Kọ́ là ń pè léwì

Yàtọ̀ sáfiwé ẹlẹ́lọ̀ọ́ àti tààrà                          10

Òwe tún ń bẹ rẹrẹrẹ

Wọn a sọ̀rọ̀ tó gbayì létè

Wọn a fi wíwúni lórí lé e

Èyún-ùn nìkan kọ́, kò sẹ́ni tí ò mọ̀yún-ùn

Àní níbii ká máṣà ìṣẹ̀ǹbáyé lò mọ́ tòde òní             15

Kí gbogbo rẹ̀ wá kú dùn-ún-ùn bí ojú tó ti kékeré fọ́

N la ṣe ń peruu wọn ní baba

Nítorí bójú bá ti kékeré fọ́

Ṣe níí kú mọ̀ràn-ìn mọran-in

Ẹni tó mọ̀Bàdàn tán tó tún mọ Láyípo pẹ̀lú ẹ̀                20

Tó gbégùn tó gbọ́ wọ́yọ̀wọ́yọ̀

Iwájú lọ̀pá ẹ̀bìtì ó kúkú máá ré sí     

A kò ní í ṣàìmáa rí yín bá

Igba ọdún, ọdún kan