Ọ̀GÁÀ MI Ń KÍI YÍN

Ọ̀gáà mi ń  kíi yín, ẹ̀yin ọ̀mọ̀wé

Ó ní n kí i yín tọ̀mẹ̀yẹtọ̀mẹ̀yẹ

Ó ní n kíi yín, ẹyin ọ̀mọ̀ràn

Ó ní n kíi yín tọgbọ́ntọ́gbọ́n

Bó ti ń kí àgbẹ̀ tí ń ṣíká            5

Lo ni n kíyàá tí ń ṣíkòkò 

Ló sì ni n kákọ̀wé tí ń ṣíwóo wọyọ

Ó  ní gbogbo ìyà tí ń jẹni

Gbogbo ìyà tí ń jẹ̀nìyàn

Ọ̀jọ ń bọ̀, bá ò tilẹ̀ padà lẹ́yìn ṣíṣí      10

Tí ṣíṣí náà yóò padà léyin àwa náà

A ó wáá wẹwo ìṣẹ́ nù iténí iténì

A ò sì wẹwọ́ ìṣé nù itènì itènì

Ǹjẹ́ tí yóò fi di ọjọ́ náà ọjọ́ọre

Lọ̀gáà mi ní n kí gbogbo yín               15

Nílé lóko àti lọ́nà odò

Wí pé ẹ dákun ọ̀kàn ni ẹ mú

Bó pẹ́ títí, ó sì ń bọ̀ wáá dára