Ẹ WÁLÉ

  

A kì í rebi á má bọ̀.

A kì í regbè á má wálé

Bíkùn bá joko tán

Ikún á lọ

Iwọ yóò kó ire ilẹ̀ yìí lọ ilẹ̀ ibòmíìn lọ̀ ọ́ gbádùn                       5

N kò rò pépè àlejò nù un

Ẹ̀yin èèyàn-an wa

Tí ń bẹ lókè òkun

E dákun ẹ wálé                            10

Ẹni tó rèlú Èèbó

Èyí tó wà lÁmẹ́ríkà

Ti Pàn-àn-yán-àn, ti Potogí

Èyí tó wà ní Jámánì

Ti Rọ́síà

Kí wọ́n fetí ségbèe wa                       15

Ilé oníle kò jọlé ẹni

Bọ́mọdé bá pẹ́ lóko

Yóò gbóhùnkóhùn

Ìbòòsí iléè mi, iléè mi

Leyẹ ń ké

Ẹ dákun ̣ẹ máa bọ̀                             20

Kẹ́ ẹ jẹ́ á wáá

Gbórílẹ̀ èdèe wa yí gẹ̀gẹ̀

Ká agbé e gẹ̀gẹ́

Kó lè dé bi ó yẹ ó dé lágbáláayé

Wọ́n ni àgbájọ ọwọ́ lafi ń sọ̀yà       25

Ẹ dákun ẹ máa bọ

Ọmọ ẹni ò níí ṣèdí bẹ̀bẹ̀rẹ̀

Ká fi ìlẹ̀kẹ̀ sídìí ọmọ ẹlòmíìn

Bílẹ̀ẹ̀ wa yìí ò tílẹ̀ dáa tó

Àwa náà la ó túnlẹ̀ẹ wa ṣe              30

Ọmọ àlè ní í fọwọ́ òsì júweleé bàbá rẹ̀

Ó kì í ṣọmọ àlè

Èmi náà kì í ṣọmọ àlè

Ẹ dákun, ẹ máa bọ̀

Mo gbọ́ pó o ti kàwé bàǹbà              35

O gboyèe dókítà

Dákun wáá bá wa tọ́jú àwọn èèyàn-an wa

Afárá ń bẹ ńlẹ̀ tẹ́-nginíà ó ṣe

Sòfíọ̀ ò kùtà, lọ́ọ́yà ò ní í wáṣẹ́ tì

E jẹ́ kí ilọsíwájú orílẹ̀ èdè yìí jẹ wá lógún    40

Ọlórun jẹ́ á kérè oko délé ni mo gbọ́ rí

Ẹ dákun ẹ fi ṣèwà hù

Pẹ́yin lẹ jìyà

Tẹ́ ẹ ṣíṣẹ̀ẹ́

Tẹ́ ẹ fi ránraa yin nílé ẹ̀kọ́                 45

Ojú ò fẹ́rú ẹ̀ kù rí

Bẹ́ẹ̀ náà níí ṣeé rí fún àwọn òpìlẹ̀sẹ̀ nǹkan-anre

Ẹ dákan ẹ wálé

Nítorí ìkúnlẹ̀ abiyamọ

Nàìjíríà ń pè yín