Yoruba for Academic Purpose: Above

(i) (adv/ọ̀rọ̀-àpọ́nlé): wà ní ipò tí ó ga ju ipò tí nǹkan mìíràn wà lọ. There is a cap above the table. Fìlà kan wà ní òkè tábìlì yẹn.

(ii) (1) pọ̀ jù ní iye tàbí ní ìwọ̀n. The book is for children aged three and above. Ìwé yẹn wà fún àwọn ọmọ ọdún mẹ́ta àti àwọn tí ó jù bẹ́ẹ̀ lọ. (2) above all. Ju gbogbo rẹ̀ lọ. Above all, I thank my friends. Jú gbogbo rẹ̀ lọ, mo dúpẹ́ lọ́wọ́ àwọn ọ̀rẹ́ mi.

(iii) (adj/ọ̀rọ̀-àpèjúwe) (adv/ọ̀rọ̀-àpọ́nlé): ní ojú ìwé. Tí a bá lo ‘above’ ní ojú ìwé ti a ń kọ nǹkan sí, ohun tí a ń sọ ni pé ohun tí a ń sọ̀rọ̀ nípa rẹ̀ wà ní òkè ìlà tí a ń kọ nǹkan sí tàbí ní ojú-ìwé tí ó ṣáájú èyí tí a ń kọ nǹkan sí lọ́wọ́. Send the money to the address given above. Fi owó náà ránṣẹ́ sí àdírẹ̀sì tí ó wà lókè yìí.

(iv) (adv/ọ̀rọ̀-àpọ́nlé) (prep/ọ̀rọ̀-atọ́kùn): ipò. tí ipò rẹ̀ ga ju ti ẹlòmíràn lọ. Adé is a grade above me. Ipò Adé fi ìgbésẹ̀ kan ga ju tèmi lọ.

(v) (adv/ọ̀rọ̀-àpọ́nlé) (prep/ọ̀rọ̀-atọ́kùn): dára gan-an. ṣe pàtàkì torí ìdí kan tàbí òmíràn. No one is above the law. Kò sí ẹni tí ó ṣe pàtàkì ju òfin lọ/Kò sí ẹni tí ó kọjá òfin/Kò sí ẹni tí ó ga ju òfin lọ/Kò sí ẹni tí òfin kò lègbé.

(vi) the above: gbogbo ènìyàn tàbí gbogbo nǹkan tí a tò sí òkè. All of the above should come. Gbogbo àwọn tí a ṣe àkọsílẹ̀ wọn sí òkè yìí ni kí ó wá/Gbogbo àwọn tí a ṣe àkọsílẹ̀ wọn sí òkè yìí ni kí wọ́n wá.

(vii) above board (adj (after verb)/ọ̀rọ̀-àpèjúwe (lẹ́yìn ọ̀rọ̀-ìṣe)): kò sí wùrùwúrú tàbí ojúṣàájú. The negotiation was above board. Ìdúnàádùrà náà kò ní wùrùwúrú nínú rárá.

(viii) (adj/ọ̀rọ̀-àpèjúwe): tọ́ka sí ohun tàbí ẹni tí a ti mẹ́nu bà tẹ́lẹ̀. All of the above-mentioned industries made profit last year. Gbogbo àwọn ilé-iṣẹ́ ńláńlá tí a dárúkọ wọn lókè yìí ni wọ́n jèrè lọ́dún tí ó kọjá.

Yoruba for Academic Purpose

Thursday, 6 August 2015

Above

No comments:

Post a Comment