Yoruba for Academic Purpose: Yoruba Monosyllabic Words (Yorùbá -Yorùbá)

á: (i) atọ́ka àsìkò ọjọ́ iwájú: A á lọ (ii) ọ̀rọ̀-arọ́pò-orúkọ ẹni kẹ́ta àbọ̀: Mo rà á (iii) ọ̀rọ̀-arọ́pò-orúkọ ẹni kìíní ọ̀pọ̀ ní ipò àbọ̀: Ó nà án.

a: (i) ọ̀rọ̀-arọ́pò-orúkọ ẹni kìíní ọ̀pọ̀ ní ipò olùwà: A lọ (ii) ènìyàn: A kì í dàgbà má lábẹ̀ (iii) mọ́fíìmù ìṣẹ̀dá: bẹ --->abẹ (iv) ọ̀rọ̀-arọ́pò-orúkọ ẹni kẹ́ta àbọ̀: Mo gbà á (v) ọ̀rọ̀-arọ́pò-orúkọ ẹni kìíní ọ̀pọ̀ ní ipò àbọ̀: Ó rí a.

à: (i) mọ́fíìmù ìṣẹ̀dá: bọ̀ ---> àbọ̀ (ii) ọ̀rọ̀-arọ́pò-orúkọ ẹni kìíní ọ̀pọ̀ ní ipò olùwà: À á lọ (iv) atọ́ka ìtẹnumọ́: A rà á à.

án: ọ̀rọ̀-arọ́pò-orúkọ ẹni kẹ́ta ẹyọ ní ipò àbọ̀: Ó tàn án jẹ.

an: ọ̀rọ̀-arọ́pò-orúkọ ẹni kẹ́ta ẹyọ ní ipò àbọ̀: Ó kán an sí méjì.

àn: atọ́ka ìtẹnumọ́: Ó nà án àn.

bá: (i) tẹ̀lé: Ó bá mi lọ (ii) ṣe nǹkan fún: Ó bá mi gbá ilẹ̀ (Ó gbá ilẹ̀ fún mi) (iii) ràn lọ́wọ́: Ó bá mi ṣe é (Ó ràn mí lọ́wọ́ láti ṣe é) (iv) fẹ́: Ẹni tí ó bá ń lọ kí ó máa lọ (Ẹni tí ó bá fẹ́ lọ kí ó máa lọ) (v) subú: Ibí bá wọn (Ibí subú tẹ̀ wọ́n).

ba: fi ara pamọ́: Ọmọ náà ba sí abẹ́ igi.

bà: (i) tóó sá lóòrùn: Kòkó náà ti bà (ii) dúró lórí: Ẹyẹ náà bà lé orí igi (iii) mọ́: Ó ba egbò rẹ̀ (v) kàn ní ara: Òkúta tí ó sọ bà mí (vi) jáyà: Ẹ̀rù bà mí.

bẹ́: (i) fọ́: Ó bẹ́ pẹ̀ẹ́ (ii) gé: Ó bẹ́ ẹ ní orí (iii) fò: Ọmọ náà bẹ́ kọjá lórí igi náà (iv) rà: Ó bẹ́ tábà (v) gbó: Orógbó náà bẹ́ (vi) bẹ̀rẹ̀: Ọ̀ràn ti bẹ́ (vii) tú afẹ́fẹ́ jáde: Táyà mọ́tò náà bẹ́ (viii) tu: Ó bẹ́ itọ́.

bẹ: (i) tàn: Ó bẹ yòò (ii) sí eèpo: Ó bẹ iṣu náà (iii) sọ̀rọ̀ akọ: Ó bẹ sí mi (iv) wà: Ó ń bẹ (v) yájú: Ọmọ yẹn bẹ jù.

bẹ̀: tọrọ àforíjì: Ó bẹ̀ mí fún bíbú tí ó bú mi.

bí: (i) jẹ́ kí ó wáyé: Ó bí ọmọ (ii) lẹ́yìn tí: Bí o nà mí, n ó nà ọ́ (iii) àtọ́ka ìbéèrè: Ó lọ bí? (iv) ọ̀nà ìṣe nǹkan: Ó kọ́ mi bí a ṣe ń ṣe é (v) mọ́fíìmù ìsọ gbólóhùn di orúkọ: Ó ní àfi bí òun pa á (vi) Nígbà tí: Bí ó ti rí mi, inú rẹ̀ dùn (vii) jọ: Ó rí bí Olú.

bi: bèèrè: Ó bi mí ní ọ̀rọ̀.

bì: (i) pọ̀: Ó bi oúnjẹ tí ó jẹ (ii) tì: Ó bì wọ́n sẹ́yìn (iii) yọ oríṣìíríṣìí àwọ̀: Aṣọ náà ń bì.

bó: (i) hó: Ó bó eèpo ọsàn (ii) ṣí: Ó bó awọ ejò (iii) ya: Mo fi ara bó.

bo: fi ara pamọ́: Ó bo sí abẹ́ igi.

bò: (i) dé: Ó bo abọ́ náà (ii) ní ewé púpọ̀: Igi ìrókò náà bò.

bọ́: (i) lọ sílẹ̀: Ọsàn náà bọ́ (ii) fún ní oúnjẹ: Ó bọ́ ọmọ rẹ̀ tí ebi ń pa (iii) fọ̀: Ó fi omi bọ́ ojú (iv) mú kúrò: Ó bọ́ ẹ̀wù ní ọrùn (v) kì mọ́lẹ̀: Ó bọ́ ilẹ̀ (vi) to ewé sí: Ó bọ́ ilé (vii) lọ: Ó bọ́ sí ẹ̀hìnkùnlé (viii) ṣí kúrò: Ejò náà bọ́họ.

bọ: sìn: Ó bọ òrìṣà.

bọ̀: (i) dé: Ó ń bọ̀ (ii) sè dáàyè kan: Ó ń bọ ẹran (iii) fi òwú sí ní inú: Ó ń bọ abẹ́rẹ́ (iv) gbé wọ̀: Adé bọ ẹ̀wù (v) di ọwọ́ mọ́ ọwọ́: Adé bọ̀ ọ́ lọ́wọ́.

bọn: di ogbó: Aṣọ rẹ̀ ti bọn:

bú: (i) sọ̀rọ̀ àìdáa sí: Ó fi èébú ara mi bú mi (ii) fọ́: ìkòkò náà bù ní ìdí (iii) kígbe: kìnìún bú.

bu: bàjẹ́: Ẹ̀bà náà ti bu.

bù: (i) fi pa: Ó ti fi ọwọ́ bù (ii) mú díẹ̀ lára odidi: Mo bu iṣu jẹ (iii) fẹ́rẹ̀: Mo bù dé ilé tán (iv) sè: Ó bu iṣu nínú iná (v) fi fún: Ó bu ọlá fún un.

bùn: ‘fún’: Ó bùn mi ní owó.

dá: (i) mú wáyé: Ọlọ́run dá ènìyàn (ii) ṣe nǹkan fúnra ẹni nìkan: Ó dá jẹun (iii) láìṣàìsàn: Ara mi dá (iv) fi sílẹ̀: Mo dá owó (v) mú ẹnu ró: Òjò dá (vi) jàn mọ́lẹ̀: Ó dá mi nínú ìjàkadì (vii) fi lù: Ó dá mi ní igi (viii) kán: Ó dá igi náà sí méjì (ix) kọ: Ó dá ọpẹ́ (x) fi fún: Ó dá ọpẹ́ (xi) láìní nǹkan: Ọ̀dá owó dá a (xii) ṣófo: Ọjà dá (xiii) yọ lẹ́nu: Sòbìà dá a (xiv) Ìkáàánú: Igí dá (xv) kí ó wálẹ̀: Ojú rẹ̀ ti dá. (xvi) Kí a máà ní àánú: Ojú rẹ̀ ti dá.

dà: (i) jẹ́ kí ó ti ibì kan bọ́ sí ibòmíràn: Ó da omi sí inú abọ́ (ii) jẹ́: Kí ló dà? (iii) níbo ló wà? Ìwé náà dà? (iv) gbé ọmo sí ẹ̀gbẹ́ láti ẹ̀yìn: Ìyá náà da ọmọ rẹ̀ (v) ran: Ó da òwú (vi) sọ ibi tí yóò gbà: Ó ń da ẹran (vii) kí ebi pa ni: Oúnjẹ mi ti dà (viii) jọ rìn pọ̀: Wọ́n ń dà yọyọ lọ (ix) di gbígbà: Ẹbọ dà (x) tàn: Ó dà mí (xi) láìbọ́ sí ọ̀kánkán: Ojú rẹ̀ dà (xii) jẹ́ kí oúnjẹ jáde ní ẹnu: Ọmọ náà dà.

dán: kọ: Tábìlì náà dán. A fẹ́rẹ̀ẹ́ lè máa wo ara wa nínú rẹ̀.

dan: ṣe oògún sí ẹni tí ó kọ́kọ́ dán oògùn wò: Ó dan egúngún náà ní ojú eré.

dé: (i) bọ̀ láti ibì kan: Mo ti ti oko dé (ii) bò: Ó dé oúnjẹ rẹ̀ kí kòkòrò má baà wọ inú rẹ̀ (iii) wà ní ibi tí a ń lọ: Mo ti dé ilé (iv) bẹ̀rẹ̀: Òjò ti dé, ẹ jẹ́ kí a wọlé kí aṣọ wa má baà tutù (v) ní: Owó ti dé sí i ní ọwọ́ (vi) wọ̀: Ó dé fìlà.

dè: (i) dì: Ó dè é lókùn (ii) retí: Ó jókòó dè mí.

dẹ: (i) wá ẹran fún pípa nínú igbó: Ó ń dẹ ìgbẹ́ (ii) ṣe okùnfà: Mo dẹ wọ́n sí ara kí wọn lè bá ara wọn jà.

dẹ̀: (i) gọ̀: Ó ti dẹ̀ jù. A lè ní kí ó ti ọwọ́ bọ iná kí ó ti ọwọ́ bọ̀ ọ́ (ii) rọ̀: Ògẹ̀dẹ̀ pípọ́n máa ń dẹ̀ ju dúdú lọ (iii) dínkù: Ikọ́ mi ti dẹ̀.

dí: fi nǹkan bò: Ó dí ihò eku náà,

dì: (i) dà: Ó di gbígbẹ (ii) dè: Ó di igi (iii) wọ̀ sí ìdí: Ó di bèbè (iv) kí ìfẹ́ máà sí fún nǹkan: Ó dì gbọ́nkú sí ọ̀rọ̀ náà (v) ṣe ní ọ̀ṣọ́: Ó di irun rẹ̀ (vi) yí padà sí bí òkúta: Omi náà ti dì (vii) àìbẹ́gbẹ́ ṣe: Ó di ara púpọ̀ jù. Òun nìkan ni ó máa ń rìn.

dín: (i) fi epo gbígbá sè: Ó dín dòdò (ii) ta ọjà ní ọ̀pọ̀: Ó dín mi ní owó ọjà. N kò san tó iye tí ó kọ́kọ́ pè é.

dó: (i) fi ṣe ilé: Ó dó sí Ìbàdàn (ii) ọ̀rọ̀ àlùfàǹsá fún níní ìbáṣepọ̀ pẹ̀lú obìnrin: Ó dó ìyàwó rẹ̀ (Ó bá ìyàwó rẹ̀ sùn).

dò: nǹkan kan: Kò mọ dò.

dú: (i) pa: Ó dú ẹran náà (ii) sọ di dúdú: Ó rẹ ẹ́ dú.

du: sáré: Ó du lọ.

dù: (i) fà mọ́ra lọ́wọ́: Wọ́n du ipò alága (ii) ṣe àìfúnni: Wọ́n fi ipò náà dù ú.

dún: mú ariwo jáde: Ó dún bí ìbọn.

dùn: (i) ro ni lára:Ẹsẹ̀ ń dùn mí (ii) wu ni ní jíjẹ: Ọbẹ̀ náà dùn (iii) pọ̀ tó: Iyọ̀ dun ọbẹ̀ náà.

é: ọ̀rọ̀-arọ́pò-orúkọ ẹni kẹ́ta àbọ̀: Mo pè é, ó dá mi lóhùn

e: (i) mọ́fíìmù ìṣẹ̀dá: gbé --->egbé (ii) ọ̀rọ̀-arọ́pò-orúkọ ẹni kẹ́ta àbọ̀: Mo mú igi náà, mo fi àdá gé eè.

è: (i) mọ́fíìmù ìṣẹ̀dá: rò ---> èrò (ii) atọ́ka ìtẹnumọ́: Mo gé e.

Ẹẹ

ẹ́: ọ̀rọ̀-arọ́pò-orúkọ ẹni kẹ́ta àbọ̀: Mo bẹ̀ ẹ́.

ẹ: (i) ọ̀rọ̀-arọ́pò-orúkọ ẹni kejì ọ̀pọ̀ ní ipò olùwà: Ẹ̀yin méjèèjì, ẹ lọ wò ó wá (ii) ọ̀rọ̀-arọ́pò-orúkọ ẹni kejì tí a fi ń ṣe ìbọ̀wọ̀ fún ní ipò olùwà: Ọ̀gá mi, ṣé ẹ rí owó náà gbà? (iii) ọ̀rọ̀-arọ́pò-orúkọ ẹni kejì ẹ̀yán: Aṣọ ẹ ni mo wọ̀ (iv) mọ́fíìmù ìṣẹ̀dá: rù ---> ẹrù (v) ọ̀rọ̀-arọ́pò-orúkọ ẹni kẹ́ta àbọ̀: Ó na igi náà sí mi, mo sì bẹ́ ẹ sí méjì ọgbọọgba.

ẹ̀: ọ̀rọ̀-arọ́pò-orúkọ ẹni kẹ́ta ẹ̀yán: Mo wọ aṣọ ẹ̀ (ii) ọ̀rọ̀-arọ́pò-orúkọ ẹni kejì ní ipò olùwà: Ẹ̀yin náà, ẹ̀ bá lọ wò ó (iii) mọ́fíìmù ìṣẹ̀dá: sìn ---> ẹ̀sìn (iv) atọ́ka ìtẹnumọ́: A bẹ́ ẹ̀ẹ̀ (v) atọ́ka ìyísódì: Ṣẹ́ ẹ̀ lọ? (vi) ọ̀rọ̀-arọ́pò-orúkọ ẹni kejì tí a fi ń ṣe ìbọ̀wọ̀ fún ni ní ipò olùwà: Ọ̀gá mi, ẹ̀ bá jẹun.

fá: (i) lo abẹ láti gé kúrò pátápátá: Ó fá irun orí rẹ̀, orí rẹ̀ wá ń dán (ii) fi ọwọ́ gbọ́n dànù: Ó fá ọbẹ̀ inú abọ́ náà kúrò.

fà: (i) jẹ́ kí ó tẹ̀lé ni: Ó fà á jáde kúrò nínú ilé (ii) fí ọwọ́ àti orúnkún rìn: Ọmọ náà ń fà (iii) mú wá sí ọ̀dọ̀ ẹni: Ó fa ọmọ náà mọ́ra (iv) mú dání: Ó fà mí lọ́wọ́ (v) fin: Ó fa tábà náà sí imú (vi) mú kí ó ṣẹlẹ̀: Ó fa kí n jẹ ẹ̀kọ mẹ́ta (vii) yà: Ó fa ìlà sí ojú ìwé rẹ̀ (viii) kí a ní ìfẹ́ àtirí: Ọkàn ìyàwó mi tí ó lọ sí oko ń fà mí (ix) mú wá: Wọ́n fa ìyàwó rẹ̀ fún un (x) pọn: Ó fa omi láti inú kànga (xi) nífẹ̀ẹ́ sí pé kí a jọ wà pọ̀: Ó fà mí, n kò sún mọ́ ọn (xii) láìjá fáfá: Ó ń fà gọ̀lọ̀ (xiii) ṣe bíi rọ́bà: Aṣọ náà ń fà (xiv) kéré sí i: Oówo rẹ̀ ti fà (xv) níní itọ́ gbígbẹ ní ẹ̀rẹ̀kẹ́: Ó ń fa lala (xvi) tàn: Erèé yìí fà kálẹ̀ (xvii) ṣàìsàn: Ara rẹ̀ fà díẹ̀. Sísùn ni ó ń sùn láti àárọ̀.

fẹ́: (i) wu ni láti ní: Ó ń fẹ́ owó púpọ̀ tí yóò fi kọ́lé (ii) gbé ní ìyàwó: Ọkùnrin náà fẹ́ ẹ wọlé (iii) sọ ọ́ di ọkọ: Obìnrin náà fẹ́ ọkùnrin náà, ó sì di aya rẹ̀ (iv) dàbí: Ó fẹ́ rẹ̀ mí.

fẹ̀: (i) gba àyè sí i: Ó ń fẹ̀ sí i (ii) jókòó bí ọlọ́lá: Ó fẹ̀ sí orí àga.

fi: (i) lò láti ṣe nǹkan: Ó fi ọ̀bẹ gé e (ii) mú sí: Fi ọ̀bẹ sí orí tábìlì. Àwọn ọ̀nà mìíràn tí a fi ń lo ‘fi’ ni ìwọ̀nyí: (ii) Ó fi aṣọ lẹ ẹ̀wù rẹ̀ tí ó ya (iv) Ó ń wá ọ̀nà tí yóò fi jáde (v) Ó fi mí ní ẹ̀pà jẹ (vi) Nígbà tí ó fi ń ṣe tísà ni ó fẹ́ ẹ (vii) Ó lù ú tó bẹ́ẹ̀ tí ó fi dákú (viii) Hu ìwà tí wọ́n fi lè fẹ́ràn rẹ (ix) Kí lo ṣe tí o fi ṣe é bẹ́ẹ̀ (x) Ó ro gbogbo ohun tí ó fi ṣe é fún mi.

fi: (i) jù: Mo fi apá mi (ii) jù dirodiro: Ó ń fì lórí igi (iii) pọ̀jù: Náírà kan fì í lọ́wọ́ (iv) Jẹ́ kí nǹkan lọ síhìn-ín sọ́hùn-ún: Ó fi okùn náà sí iwájú àti sí ẹ̀yìn.

fín: (i) tẹ̀ kí ó jáde bí afẹ́fẹ́: Ó fi sheltox fín inú ilé (ii) fẹ́ atẹ́gùn sí: Ó fín iná (iii) jẹ́ ìtẹ́wọ́gbà: Ẹbọ á fín (iv) dá àrà sí lára: Ó fín igbá.

fó: (i) dá: Ilẹ̀ ti fó (ii) wà ní orí: Ó fó lórí omi.

fò: gbéra kúrò nílẹ̀: Ó fo igi náà.

fọ́: (i) pín yẹ́lẹyẹ̀lẹ: Ó fọ́ àwo náà sí wẹ́wẹ́ (ii) dùn: Orí ń fọ́ ọmọ náà. Ó ti lo oògùn (iii) kí ó má là: Ojú rẹ̀ ti fọ́ (iv) bàjẹ́: Ó fọ́ iṣẹ́ tí ó fi ọwọ́ ara rẹ̀ ṣe (v) dẹ ìgbẹ́: Ó ń fọ́ igbó kiri. Ó ń wá ẹran tí yóò fi ṣe ọdún (vi) pò pọ̀ sí inú omi: Ó fọ́ ẹ̀kọ mu (vii) pariwo: Ó ń fọ́ táá (viii) àṣìírí tú: Sàǹgbá fọ́.

fọ̀: (i) fi ọwọ́ gbo nínú omi kí ó lè mọ́: Ó fọ aṣọ (ii) sọ̀rọ̀: Ó fọ̀ sí mi.

fọ́n: (i) tú ká ní ẹyọ ẹyọ: Ó fọ́n erèé sí orí ilẹ̀ (ii) dán: (ẹnu): Ó ń fọ́n ẹnu pé òun lè ṣe é (iii) kán sílẹ̀: Òjò ń fọ́n (iv) wọ́n sí/dà sí: Mo fọ́n omi sí i lára.

fọn: (i) fẹ́ atẹ́gùn sí nínú: Mo fọn fèrè (ii) jẹ́ kí ó jáde: Mo fọn ikun (iii) pariwo: Erin fọn: (iv) tín-ín-rín: Ó fọn.

fọ̀n: (i) mú lo sí ibòmíràn: Mo fọn iná láti lọ dá iná mìíràn (ii) sáré: Ó fọ̀n ọ́n nígbà tí ó gbúròó pé ẹkùn ń bọ̀.

fún: (i) ṣe àìgbà padà: Ó fún mi lówó (ii) funfun: Ó fun bí ẹ̀gbà òwú (iii) kúrò ní ọwọ́ ẹnìkan sí ti ẹlòmìíràn: Ó fún mi lówó (iv) bá ṣe: Mo dé fìlà fún un (v) há: Ó fún gídágídá (vi) nítorí: Ó ń jìyà fún ẹ̀ṣẹ̀ rẹ̀ (vii) ní ìwọ̀n àsìkò:: Mo jókòó fún wákàtí méjì (viii) ràn lọ́wọ́: Mo dé fìlà fún un nítorí pé ọwọ́ ń dùn ún, kò lè dé e fúnraarẹ̀.

fun: fẹ́ atẹ́gùn sí nínú: Ó fun fèrè.

gá: rẹ̀: Ó gá mi.

ga: kí nǹkan máà kúrú: Ọmọ yẹn ga púpọ̀, ẹsẹ̀ bàtà mẹ́fà ni ó wọ̀n ní ìjókòó.

gà: ‘ṣí’: Ó ga agboòrùn rẹ̀.

gán: (i) gé: Ó gán an ní orí (ii) sọ́ lò: Ó gán omi rẹ̀ lò, péèlì omi kan ni ó fi fọ aṣọ mẹ́fà (iii) fi ìdí òkòtó sọ ènìyàn ní ọwọ́: Ó gán an ní mẹ́jọ nígbà tí ó pa á láyò (iv) rán: Ó gán aṣọ rẹ̀ ní ibi tí ó ti ya.

gan: le: Búrẹ́dì yìí ti gan. Ó ti pẹ́ tí wọ́n ti rà á.

gàn: bu ẹnu àtẹ́ lu: Wọ́n ń gàn án fún ìwà pálapàla tí ó wù.

gé: (i) rẹ́ sí méjì tàbí jù bẹ́ẹ̀ lọ: Ó gé ẹran náà sí wẹ́wẹ́. (ii) gbá bọ́ọ̀lù kọjá ẹni tàbí kí a yọni ní ẹ̀yọ́: Mo gé e ní ègé ní orí pápá.

gẹ̀: (i) wé: Ó gẹ gèlè (ii) dé: Ó gẹ fìlà (iii) gé: Ó gẹ irun.

gọ́: rẹ̀: Lẹ́yìn ọ̀pọ̀lọpọ̀ iṣẹ́ tí mo ṣe, ó ti gọ́ mi báyìí.

gọ: sá pamọ́: Ó gọ sí abẹ́ igi.

gọ̀: (i) ṣe aláìgbọ́n: Ó ti gọ̀ púpọ̀ jù, ó lè fi ọwọ́ lásán mú ẹ̀yin iná (ii) yàn: Ó gọ ìbọn.

gún: (i) tí kò wọ́: Igi náà gún (ii) jan ọmọ odó tàbí òkúta mọ́ nǹkan: Ó gún iyán (iii) fi nǹkan bọ̀ ní ara: Ó gún un ní ọ̀bẹ (iv) hù: Ẹyẹ náà gún ìyẹ́ (v) wọ inú: Ẹ̀gún gún un lẹ́sẹ̀.

gùn: (i) tí kò kúrú: Ó gùn púpọ̀. Ó tó ẹsẹ̀ bàtà mẹ́wàá (ii) ní ìbáṣepọ̀ pẹ̀lú: Ó gun obìnrin rẹ̀ (iii) lọ sí orí: Ó gun igi (iv) fi jẹ: Ó gun orí oyè (v) ní oyún: Ewúrẹ́ náà ti gùn (vi) bọ́ sí orí: Ó gun ìtẹ́ baba rẹ̀.

GBgb

gbá: (i) gbígbé epo pupa tàbí òróró léná: Ó gbá epo tí ó fi se ọbẹ̀ (ii) ta sí iwájú: Ó gbá bọ́ọ̀lù (iii) jẹ́ kí ó mọ́: Ó gbá ilẹ̀ tí ó dọ̀tí (iv) jàn ní àbàrá: Ó gbá mi létí (v) sáré: Ó gbá tì mí.

gbà: (i) mú fún: Ó gba owó (ii) ọ̀nà ìgbà ṣe nǹkan: Ọ̀nà tí mo gbà yọ nì yẹn (iii) lọ́ràá: Ilẹ̀ yìí gba àgbàdo (iv) fi ọwọ́ sí: Mo gba àbá rẹ̀ wọlé (v) ràn lọ́wọ́: Jọ̀wọ́, gbà mí (vi) rìn sí: Mo gba apá òsì (vii) yọ: Ìkuukùu gba ojú ọjọ́ (viii) ṣẹ́gun: Wọ́n gba ìlú wọn (ix) iye tí nǹkan tó: Kò gba náírà méjì (x) bá lọ: Ó gbé e gba inú ilé (xi) àyè tí nǹkan ní: Inú ilé yìí gba ènìyàn mẹ́wàá (xii) fi nǹkan du ni: Ó gbà á lọ́wọ́ mi (xiii) iye àsìkò tí a lò fún nǹkan: Ó gbà tó oṣù mẹ́rin kí ó tó parí rẹ̀.

gbé: (i) mú: Wárápá gbé e (ii) sí ìdí nǹkan kúrò nílẹ̀: Ó gbé ẹrù náà rù (iii) ọ̀rọ̀ gírámà kan: Níbo ni o gbé rí i?/Mo rí i nílé (iv) sọnù: Ó gbé sí inú igbó (v) ibi tí a ń sùn tí a sì ti ń jí: Ó ń gbé Ìbàdàn (vi) pọ̀ sí i: Ó gbé pẹ́ẹ́ sí i (vii) sẹlẹ̀: Ṣé o rí ibi tí a gbé ṣe àṣìṣe.

gbè: (i) fi ara mọ́: Ó gbè mí (ii) jẹ́ kí ó kó ara jọ sí ojú kan: Ó gbe omi òjò (iii) kọ tẹ̀lé: Ó gbe orin mi.

gbẹ́: (i) họ iwò sí: Ó gbẹ́ ilẹ̀ (iii) jẹ́ kí ó mú lẹ́nu: Ó gbẹ́ lẹ́ẹ̀dì (iii) pariwo láti fi ìgbà tí ó fẹ́ yé hàn: Adìẹ náà ń gbẹ́ (iv) hú (ikọ́): Ó gbẹ́ ikọ́.

gbẹ: láìní omi nínú: Ilẹ̀ náà ti gbẹ.

gbẹ̀: gbìn: Ó gbẹ àgbàdo.

gbin: pa ariwo ìrora: Ó ń gbin nítorí ara tí ó ń ta á.

gbìn: fi bọ ilẹ̀ kí ó tó hù: Ó gbin àgbàdo.

gbó: (i) pa ariwo: Ajá náà ń gbó (ii) dàgbà: Ọkùnrin náà ti gbó. Irun funfun ti yọ ní orí rẹ̀ (iii) tóó jẹ: Àgbàdo mi ti gbó.

gbò: (i) mì: Ó gbo igi náà jìgìjìgì (ii) ní ìfẹ́ àti rí: Àìsí nílé mi gbò ó (iii) dà láàmú: Àìsàn náà ń gbò ó.

gbọ́: (i) kí ọ̀rọ̀ dé etí ẹni: Mo gbọ́ ohun tí o sọ (ii) yé: Mo gbọ́ ọ̀rọ̀ rẹ̀ (iii) ṣe ohun tí ó yẹ: Mo gbọ́ ti ara mi (iv) rùn sí ní imú: Mo gbọ́ òórùn (v) bọ̀wọ̀ fún: Mo gbọ́ tirẹ̀ (vi) mímọ bí a ṣe ń ṣe nǹkan: Mo gbọ́ ifá.

gbọ̀: lọ́ràá: Ilẹ̀ yìí gbọ ẹ̀fọ́.

gbọ́n: (i) ní iyè nínú: Ọmọ náà gbọ́n púpọ̀. Ọ̀rọ̀ àgbà ló ń jáde lẹ́nu rẹ̀ (ii) bù jáde: Ó gbọ́n omi kúrò nínú ìkòkò.

gbọ̀n: (i) ṣe àìmára dúró: Ó ń gbọ̀n pẹ̀pẹ̀ bí ewé ojú omi (ii) yí sí ìhín, yí sí ọ̀hún: Ó gbọn orí láti fi yé mi pé òun kò gba ohun tí mo sọ (iii) sọ òwú òtùtú di èyí tí a fi ń rán aṣọ: Ó gbọn òwú (iv) fi òòlù lu irin gbígbóná: Ó gbọn àdá (v) ta: Ó gbọn òògo (vi) ta dànù: Gbọn ìdọ̀tí kúrò lára ẹ̀wù yìí.

gbún: fi ara kan: Ó fi ẹ̀gbẹ́ gbún mi.

gbun: ṣe aláìgún; Ìlà yìí gbun. Ó rí kọ́lọkọ̀lọ.

há: (i) ṣe aláìfẹ̀: Ọ̀nà yìí há. Kò gba ènìyàn méjì lẹ́ẹ̀kan náà (ii) gún: Eegun há a ní ọ̀nà ọ̀fun (iii) pín: Ó há ẹran náà fún wọn (iv) fi bọ̀: Ó fi igi há pákó náà ní ibi tí ó ti là sí méjì.

ha: (i) bó: Igi ha mí lára (ii) mú kẹ̀lẹ̀bẹ̀ kúrò: Ó ha ọ̀fun (iii) atọ́ka àmì ìbéèrè: Ìwọ ha ṣe é? (iv) atọ́ka ìtẹnumọ́: Ìwọ á ń kọ́?

hán: dì mú: Mo hán owó tí ó jù sí mi.

han: pariwo: Wọ́n ń han bí i gáte.

hàn: (i) yé ni: Ó hàn pé kò fẹ́ràn mi (ii) tu: Ó han ẹ̀fọ́ (iii) ṣe é rí: Ó hàn sí mi (iv) láìsí tàbí ṣùgbọ́n: Ó hàn pé ó wá.

he: Ó he owó ní ojú ọ̀nà.

hè: fẹ̀: Rọ́bà náà ti hè sí i.

hẹ: (i) jókòó ní etí: Ó fi ìdí hẹ àga (ii) fún ìgbà díẹ̀: Ìjọba fìdí hẹ ẹ́ ni.

hẹ̀: pẹ̀gàn: Ó ṣe hẹ̀ mi.

hẹn: Ìdáhùn pé bẹ́ẹ̀ ni: Mo bi í pé ṣé ó rí Olú? Ó ní, hẹn

hó: (i) pa ariwo: Wọ́n ń hó hèè bí ìgbà pé ọjà ni wọ́n wà (ii) sí èèpò kúrò lára nǹkan: Ó hó ọsàn (iii) gbóná tó: Omi yìí ti hó. Ẹ jẹ́ kí a fi tẹ ẹ̀bà (iv) ṣe gùdùgùdù: Odò yìí ń hó.

họ: (i) sáré: Ọmọ náà họ nígbà tí ó rí ẹgba (ii) fi eyín ti: Ó họ eegun jẹ (iii) fi èékánná yún: Mo họ ara.

họ̀: pẹ̀gàn: Ó ṣe họ̀ mi.

hú: fà tu: Ó hú igi náà.

hu: (i) mú irun kúrò lára: Ó hu awọ (iii) pa ariwo: Ó hu sí i láti pè é nígbà tí ó dé inú oko.

hù: ‘sọ’: jáde láti inú ilẹ̀: Koríko náà ti hù.

hún: (i) kí ara já ni jẹ: Ara ń hun mí (ii) fi èékánná họ ara: Mo hún ara tí ó ń hún mi.

hun: (i) fi òwú ṣe: Mo hun aṣọ (iii) ìdáhùn bẹ́ẹ̀ ni: Mo ní ṣé ó lọ sí ọjà. Ó sọ pé hun (iii) ìjìyà ẹ̀sẹ̀ kan: Ìkà tí ó ṣe sí mi ni ó ń hun ún yẹn.

hùn: (i) ìmí kanlẹ̀: Nígbà tí ó pẹ́ tí ó ti ń ronú lórí ọ̀rọ̀ náà, ó ṣe hùn (iii) wò-mí-n-wò-ọ́: Ọ̀rọ̀ náà di hùn. Ọ̀rọ̀ pèsì jẹ.

í: atọ́ka ibá-ìṣẹ̀lẹ̀ bárakú: Ilé la ti í rí i (ii) Ọ̀rọ̀-arọ́pò-orúkọ ẹni kẹ́ta ẹyọ àbọ̀: Mo dì í.

i: mọ́fíìmù ìṣẹ̀dá: kú --->ikú (ii) ọ̀rọ̀-arọ́pò-orúkọ ẹni kẹ́ta àbọ̀: Mo rí i.

ì: (i) ohun tí kò tí ì ṣẹlẹ̀: Kò ì wá (ii) mọ́fíìmù ìṣẹ̀dá: bínú ---> ìbínú (iii) atọ́ka ìtẹnumọ́: Ó rí i ì.

ín: ọ̀rọ̀-arọ́pò-orúkọ ẹni kẹ́ta àbọ̀: Ó mì ín

in: ọ̀rọ̀-arọ́pò-orúkọ ẹni kẹ́ta àbọ̀: Ó dín in

ìn: (i) atọ́ka ìyísódì: Mi ìn rí i (ii) atọ́ka ìtẹnumọ́: Ó dín in ìn.

já: ká: Ó já ọsàn (ii) bọ́ sílẹ̀: Ó já láti orí igi (iii) rùn: Ó ń já fírí (iv) bẹ̀rù: Àya rẹ̀ ń já (v) tu: Ó ń já ẹ̀fọ́ (vi) gé: Ó já ẹran (vii) kúrò lórí ìṣo: Ewúrẹ́ tí ó ṣo mọ́lẹ̀ ti já (viii) pọ̀ jù: Iyọ̀ ti já ọbẹ̀ tí a sè (ix) dé gbangba: Mo ti já ojú ọ̀nà (x) tó: Déédé ni wọ́n já sí (xi) bá lójijì: Ó já lùmí (xii) kán sílẹ̀: Itọ́ ń já lẹ́nu rẹ̀ (xiii) mọ̀: Ó já irọ́ mi (xiv) parí: Ó wẹ odò náà já.

jà: figa gbága: Wọ́n jà.

jàn: lù: Ó jàn mí ní igi

jẹ́: (i) ṣe: Ó jẹ́ olùkọ́ (ii) búra: Ó jẹ́ ẹ̀jẹ́ (iii) gbà láyè: Mo jẹ́ kí ó lọ (iv) dáhùn: Mo pè é, ó jẹ́ mi (v) ṣiṣẹ́: Oògùn náà jẹ́ (vi) lè: Bóyá a jẹ́ wá.

jẹ: (i) fi eyín rún kí a sì gbé mì: Ó jẹ búrẹ́dì (ii) ṣe orí ire: Ó jẹ́ tẹ́tẹ́ (iii) nílò àti san padà: Ó jẹ mí lówó (iv) gorí: Ó jẹ oyè: (v) ṣe: Ó ń jẹ fàájì (vi) nà: Ó jẹ ẹgba.

jẹ̀: rìn: Ewúrẹ́ náà ń jẹ̀ káàkiri.

jí: (i) mú ohun tí kì í ṣe tẹni: Ó jí owó mi (ii) dìde nílẹ̀: Ó jí ní orí ibùsùn.

jì: mì síhìn-ín-sọ́hùn-ún: Ó ji oògùn olómi náà kí ó tó mu ún.

jìn: (i) tí kò sí nítòsí: Ilé wa jìn sí tiwọn (ii) wọlẹ̀ gan-an: Ihò náà jìn púpọ̀ (iii) fi gbá: Ó jìn mí lẹ́sẹ̀ láti ẹ̀yìn (iv) fún: Ó fi gbogbo rẹ̀ jìn mí (v) subú: Ó jìn sí kòtò.

jó: (i) fi tapá tẹsẹ̀ dárà sí ìlù: Ó ń jó (ii) gbalẹ̀ sí i: Iná ń jó (iii) ta: Ipín jó o (iv) ọ̀fọ̀ ṣẹ̀ ẹ́: Iná jó o (v) lẹ nǹkan pọ̀: Ó jó irin mọ́ irin (vi) tàn: Àtùpà ń jó (vii) di dúdú tí kò sì ṣe é jẹ mọ́: Oúnjẹ tí ó ṣè sí orí iná ti jó (viii) hún lára: Wèrèpè gbọ̀n jó o.

jò: (i) lu: Abọ́ yẹn ń jò (ii) tàn: Iná ń jò.

jọ: (i) bá mu: Ó jọ mí. A kò yàtọ̀ sí ara wa (ii) jọ ṣe nǹkan pọ̀: Gbogbo wa jọ lọ ni. Kò sí ẹni tí ó dúró sẹ́yìn (iii) ṣe pẹ̀lú ayọ̀: Ọdún dé, ọdún jọ, a dúpẹ́ lọ́wọ́ Olúwa (iv) dàbí: Ó jọ bẹ́ẹ̀.

jọ̀: mú èyí tí kò rí múlọ́múlọ́ kúrò: Ó jọ èlùbọ́

ju: (i) ní kòkòrò: Àgbàdo náà ti ju (ii) sọ: Ó ju òkúta sí i (iii) sẹ́: Ó ju ọwọ́ sí mi (iv) àfi: N kò fẹ́ nǹkan mìíràn ju ìwé (v) fì síhìn-sọ́ùn-ún: Ajá náà ń ju ìrù (vi) sán: Ó ju igbó (vii) kọjá àsìkò tàbí àyè tí ó tọ́: Ó pẹ́ jù (viii) fi: Ó jù mí lọ́wọ́ sílẹ̀.

ká: (i) ṣẹ́: Ó ká bébà náà (ii) já: Ó ká ọsàn (iii) mú kúrò níbi tí a sá a sí: Ó ká aṣọ (iv) kó pamọ́: Ó ká ẹní kúrò nílẹ̀ (v) tó fún: Oúnjẹ yìí yóò ká ọdún (vi) kò kọjá agbára ẹni: Ọwọ́ mi ká iṣẹ́ yìí (vii) su ara jọ: Ó ká rúgúdú (viii) yọ: Eyín rẹ̀ ká (ix) kórè: Ó ká ọkà bàbà rẹ̀.

kà: (i) pe àwọn lẹ́tà sínú tàbí sí òde: Ó ka ìwé rẹ̀ (ii) ṣe ní méní-méjì: Ó ka ọsàn rẹ̀. Gbogbo rẹ̀ jẹ́ mẹ́wàá (iii) sọ gbogbo ohun tó ṣe tí kò dárà: Àjẹ́ náà kà. Ó ní òun ti pa ọ̀pọ̀lọpọ̀ ènìyàn jẹ (iv) fún: Ó ka oògùn rẹ̀ lé e lọ́wọ́ (v) lé: Ó gbé e ka orí tábìlì.

kán: (i) yọ díẹ̀díẹ̀: Omi náà ń kán tóó tóó sínú abọ́ (ii) lù: Ó kán mi nígi (iii) dá: Ó kán igi náà sí méjì (iv) láìfẹ́ fàsìkò ṣòfò: Ojú ń kán mi. Mo ti pẹ́.

kan: (i) bàjẹ́: Ọbẹ̀ yìí ti kan. N kò lè jẹ ẹ́ (ii) nọ́ḿbà àkọ́kọ́: Àga kan ni ó gbé wá. Kò pé méjì (iii) tàn ká: Ohùn rẹ̀ gba gbogbo àdúgbò kan (iv) láìsí ìdùnnú: Ilé wọn kan gbínrín.

kàn: (i) fi ọwọ́ lù ko ko ko: Ó kan ilẹ̀kùn kí ó tó ṣí i (ii) dé: Lẹ́yìn Ilé-Ifẹ̀, a kan Iléṣà (iii) tàn kiri: Ìròyìn wa ti kàn (iv) fi lé: Ó fi ògún kan àyà (v) tọ́ sí ni: Èmi ni ó kàn (vi) ṣe láìnídìí: Ó kàn gbá a létí ni láìṣẹ̀ ẹ́.

ké: (i) pariwo: Ó ké (ii) pè: Ó ké sí mi.

kẹ́: (i) tọ́jú: Ó kẹ́ mi (ii) fi í sí ipò tí a ti lè yàn án: Ó kẹ́ ìbọn.

kẹ: ohùn agogo: Aago náà ń ró kẹ, kẹ, kẹ.

kẹ̀: (i) bàjẹ́: Ẹran yìí ti kẹ̀. Kò ṣeé jẹ mọ́ (ii) burú sí i: Egbò rẹ̀ ti kẹ̀ (iii) pọ̀ sí i: Iná náà ń kẹ̀ (iv) rinlẹ̀: Ohùn rẹ̀ kẹ̀ (v) ṣe àìgún. Ẹsẹ̀ rẹ̀ kẹ̀.

kí: (i) ṣe ní pẹ̀lẹ́: Ó kí mi (ii) pé: Ó ní kí n wá (iii) mọ́fíìmù ìṣẹ̀dá: ilé ---> ilékílé (iv) atọ́ka ìbéèrè: Kí ni o wí?

ki: ṣe aláìlómi púpọ̀: Ọbẹ̀ rẹ̀ ki.

kì: (i) pe oríkì: Ó kì í (ii) mú: Ó ki eku náà mọ́lẹ̀ (iii) mú lọ́kàn le: Ó kì mí láyà (iv) kẹ́: Ó ki ìbọn.

kín: (i) sún mọ́: Ó kín mi gan-an ni ọwọ́ rẹ̀ ṣe tó mi nígbà tí ó na ọwọ́ sí ọ̀dọ̀ mi (ii) atọ́ka ìbéèrè: Kín ni? (iii) wẹ̀ fún: Ó kín mi lẹ̀yìn (iv) fi ọwọ́ sí: Ó kín ọ̀rọ̀ mi lẹ́yìn.

kó: (i) gbó jù: Ilá yìí ti kó (ii) mú: Ó kó wọn lẹ́rú (iii) palẹ̀ mọ́: Ó kó ẹrù rẹ̀ (iv) lù: Ó kó àtọ̀sí (v) jí: Ó kó owó wọn (vi) yá: Ó kó owó. Ó fi owó náà ra mọ́tò (vii) wọ̀: Ó kó sínú igbó.

kò: (i) pàdé: Ó kò mí lọ́nà (ii) atọ́ka ìyísódì: Olú kò lọ (iii) yí igi inú iná padà: Ó ko iná.

kọ́: (i) mọ: Ó kọ́ ilé (ii) fi kún ìmọ̀: Ó kọ́ ẹ̀kọ́ (iii) là yé: Ó kọ́ mi ní ẹ̀kọ́ (iv) fi sí ara nǹkan: Ó fi aṣọ rẹ̀ kọ́ igi (v) ṣáájú: Èmi ni ó kọ́ ṣe é tán (vi) atọ́ka ìyísódì: Ìwọ kọ́ ni ó ṣe é (vii) ja iyàn: Wọ́n kọ́ ọ pé àwọn ọkùnrin ni yóò borí obìnrin.

kọ: (i) pariwo: Àkùkọ kọ (ii) dán: Bàtà náà ń kọ (iii) hàn-ń-túrú: Ó kọ ìwé (iv) gé ẹyìn: Ó kọ ọ̀pẹ (v) kó yẹ̀pẹ̀ jọ: Ó kọ ebè (vii) fi ohùn mú ìró dídùn jáde láti ẹnu: Ó kọ orin (viii) yí: Ó kọ ẹ̀gbẹ́ sí mi.

kọ̀: àìṣe nǹkan: Ó kọ̀ láti lọ.

kú: (i) fi ayé sílẹ̀: Ó ti kú (ii) iye tí ó já sí: Owó ọjà mi kú sí náírà mẹ́rin.

ku: lójijì: Ó kàn mí ku.

kù: (i) tí ó lé sílẹ̀: Ó ku mẹ́ta (ii) jọ̀: Ó ku èlùbọ́ (iii) pariwo: Òjò ń kù (iv) kí afẹ́fẹ́ gbé kiri: Eruku ń kù.

kún: dé ẹnu: Ìkòkò náà kún fún omi.

kun: (i) jó: Ó kun igbó (ii) gé sí kéékèèkéé: Ó kun ẹran.

kùn: (i) fi ọ̀dà dárà sí: Ó kun ilé rẹ̀ ní àwọ̀ funfun (ii) jẹ́ kí ó dán: Ó kun bàtà rẹ̀ (iii) ṣe àìsọ̀rọ̀ jákè tàbí kí a máa ké bí oyin: Ó ń kùn (iv) pariwo: Inú rẹ̀ ń kùn (v) sáré: Ó kùn lọ (vi) finá sí: Ó kun ìgbẹ́ (vii) fi pa: Ó kun àtíkè sí ojú (viii) tòògbè tàbí kí a fẹ́ sùn: Orun ń kùn ún.

lá: (i) fi ahọ́n fá: Ó lá ọbẹ̀ (ii) rí nǹkan ní ojú orun: Ó lá àlá.

là: gé: Ó là á sí méjì (ii) lówó: Ó là (iii) pín: Ó la ilẹ̀ náà fún wọn (iv) ṣí: Ó la ọwọ́ rẹ̀. Mo sì fi ìwé lé e lọ́wọ́ (v) jẹ́ kí ó sàn: Ó bu omi là á (vi) ojú mọ́: Ọjọ́ ti là (vii) pẹ̀tù sí aáwọ̀: Ó là wọ́n níjà (viii) yọ nínú ewu: Ọlọ́run là á.

lé: (i) sáré tẹ̀lé: Ó lé e wọlé (ii) yọ kúrò: Wọ́n lé e ní ilé-ẹ̀kọ́ (iii) sí orí nǹkan: Mo gbẹ́sẹ̀ lé e (iv) wú: Apá mi lé (v) pọ̀ sí i: Aṣọ mi ti lé ọ̀kan sí i (vi) tò fún títà: Ó lé iṣu (vii) jáde: Oṣù lé.

le: (i) tí kò rọrùn: Iṣẹ́ yìí le (ii) lágbára: Ọtí yìí le (iii) yá: Ara mi le (iv) tí kò rọ̀: Igi yìí le: (v) burú: Ọkùnrin yẹn le.

lè: (i) wọ̀ fún: O lè máa lọ tó bá wù ọ́ (ii) kápá: Mo lè ṣe é. Kò ju agbára mi lọ.

lẹ́: sú: Alẹ́ ti lẹ́.

lẹ: àìlè ṣiṣẹ́: Ó lẹ púpọ̀. Ọwọ́ rẹ̀ kò ran nǹkan kan.

lẹ̀: (i) fi gọ́ọ̀mù mọ́: Ó lẹ ìwé náà mọ́ ara ògiri (ii) tí ó fẹ́lẹ́ tí ó lè lò síhìn-ín lò sọ́hùn-ún: Igi yìí lẹ̀̀. Ó ń mì síbí mì sọ́hùn-ún.

ló: fi ara balẹ̀: Lọ ló fún ẹ̀mí rẹ.

lò: (i) fi ṣe nǹkan: Ó lò ó ní ìlòkulò (ii) tẹ̀: Ó lò sí apá ọ̀tún (iii) bá ní ìbáṣepọ̀: Ó lò ó.

lọ́: (i) gbìn: Ó lọ́ ẹ̀fọ́ (ii) yí sódì: Ó lọ́ ọ lọ́rùn (iii) dùn: Inú ń lọ́ mi (iv) gbóná díẹ̀: Omi náà ti lọ́ (v) yín: Ó lọ́ mi ní èékánná.

lọ: kúrò ní ibi tí a wà: Ó ti Èkó lọ sí Ìbàdàn.

lọ̀: (i) jẹ́ kí ó kúnná: Ó lọ ata (ii) sọ fún ni: Ó fi ọ̀rọ̀ náà lọ̀ (iii) jẹ́ kí ó dán: Ó lọ àwọn aṣọ rẹ̀ .

lú: pò pọ̀: Ó lù wọ́n mọ́ra.

lu: fi ihò sí lárá: Ó lu etí rẹ̀.

lù: (i) fi ìyà jẹ: Ó lù ú (ii) kó sí: Ó lu ìjàngbọ̀n (iii) fi nǹkan gbá: Ó lu ìlù.

ḿ: (i) atọ́ka ibá-ìṣẹ̀lẹ̀ atẹ́rẹrẹ: Mo ḿ bá a lọ (ii) atọ́ka ibá-ìṣẹ̀lẹ̀ bárakú: Mo ḿ bá a lọ lójoojúmọ́.

má: atọ́ka ìyísódì: Má lọ wò ó.

mà: atọ́ka ìtẹnumọ́: Ó má lọ.

mí: jẹ́ kí èmímí jáde: Ó ń mí. Kò tí ì kú.

mì: (i) jẹ́ kí ó kọjá sí inú: Ó mi oògùn oníkóró (ii) tì síhìn-ín sọ́hùn-ún; Ó ń mi igi náà (iii) dà láàmú: Wàhálà náà kò mì mí.

mo: èmi: Mo lọ.

mò: èmi: Mò ń lọ.

mọ́: (i) ṣe àìdọ̀tí: Aṣọ mi mọ́. Mo ṣẹ̀ṣẹ̀ fọ̀ ọ́ ni (ii) lẹ̀: fi owó mọ́ ọn níwájú orí (iii) yọ́nú sí: Inú rẹ̀ mọ́ sí i (iv) kí ilẹ̀ máà sú: Ojú ti mọ́ (v) láìlẹ́bi: Ara rẹ̀ mọ́ (vi) tọ́jú: Ó mọ́ egbò apá rẹ̀ (vii) rí mú: Ilẹ̀ ti mọ́ olè (viii) kábàámọ̀: Ojú rẹ̀ ti mọ́ (ix) fi ọwọ́ sí: Òun nìkan ni ó fi ara mọ́ ohun tí mo sọ (x) dà: Gìdìgìdì kò mọ́là.

mọ: (i) kọ́: Ó mọ ilé (ii) ṣe ẹ̀dá: Ó mọ ìkòkò (ii) tó: Bí mo ṣe mọ nìyí.

mọ̀: (i) yé: Ó mọ ìdáhùn ìbéèrè náà (ii) bá lò pọ̀: Ó mọ ìyàwó rẹ̀.

mú: (i) dì mọ́ ọwọ́: Ó mú un dání (ii) tí kò kú lẹ́nu: Wọ́n lọ ọ̀bẹ náà. Ó mú dáadáa (iii) fà kí nǹkan ṣẹlẹ̀: Ó mú mi wálé (iv) kí nǹkan máa ṣe ènìyàn: Òtútù mú mi (v) gbẹ̀san: Orí mi ti mú un (vi) rà: Èló ni o mú aṣọ yìí? (vii) fi ẹ̀sùn kàn: Ó mú mi lólè (viii) tẹ̀lé: Ó mú mi lọ (ix) fi sí ọwọ́: Ó mú un.

mu: (i) gbé mì: Ó mu omi (ii) fà sí inú kí a sì tu ú jáde: Ó mu sìgá (iii) fà sí ẹnu kí a sì gbé e mì. Ọmọ náà mu ọyàn ìyá rẹ̀ (iv) jẹ: Ikán ti mu igi náà (v) fi lé orí ahọ́n: Ó mu tábà.

mù: sá pamọ́: Ó mù sí abẹ́ igi. Wọ́n wá a, wọn kò rí i.

ń: (i) atọ́ka ibá-ìṣẹ̀lẹ̀ atẹ́rẹrẹ: Mo ń lọ síbẹ̀ (ii) atọ́ka ibá-ìṣẹ̀lẹ̀ bárakú: Mo ń lọ síbẹ̀ lójoojúmọ́.

n: ọ̀rọ̀-arọ́pò-orúkọ ẹni kìíní ẹyọ ní ipò olùwà: N ó lọ.

ná: (i) fi ra nǹkan: Mo ná owó (ii) yọwó: Mo ná ọjà (iii) lọ sí: Mo fẹ́ẹ́ ná ọjà (iv) tà: Mo ń ná ọjà.

nà: (i) lù: Ó nà mí (ii) fà: Ó nà án láti mọ̀ bí ó ti gùn tó (iii) fi tọká sí: Ó na ìwé náà sí i, ó sì gbà á.

ní: (i) ohun tí ó jẹ́ ti ẹni: Ó ní owó (ii) pé: Ó ní òun ń bọ̀ (iii) àyè nǹkan: Ó wà ní ilé (iv) àkójọpọ̀: Ní akọ, ní abo ni Ọlọ́run dá ènìyàn. (v) ṣíṣẹ̀-n-tẹ̀lé: Ó ń kà á ní ení èjì.

ni: (i) jẹ́ ti ẹni: Òun ló ni owó yìí (ii) àìbalẹ̀: Ara ń ni mí (iii) atọ́ka awẹ́ gbólóhùn àkíyèsí alátẹnumọ́: Olú ni ó ṣe é (iv) àgékúrú fún ẹni: Bíná bá jóni tó jó ọmọ ẹni, ara ẹni là á kọ́ọ́ gbọ̀n (v) àwa: Ó rí ni.

nú: kún: Ó fi ọjà títà nú iṣẹ́ tíṣà.

nù: (i) jẹ́ kí ó mọ́: Ó fi aṣọ nu ara ògiri (ii) tí a kò rí: Ó ń wá àgùntàn rẹ̀ tí ó nù (iii) fún ní oúnjẹ: Ó ń nu ọmọ rẹ̀ (iv) mú kúrò: Ó fi aṣọ nu omi ojú rẹ̀

ó: ọ̀rọ̀-arọ́pò-orúkọ ẹni kẹta ẹyọ ní ipò àbọ̀: Ọ̀rọ̀ náà dùn wọ́n lẹ́yìn ìgbà tí wọ́n rò ó jinlẹ̀.

o: mọ́fíìmù ìṣẹ̀dá: gbó: ---> ogbó (ii) ọ̀rọ̀-arọ́pò-orúkọ ẹni kẹta ẹyọ ní ipò àbọ̀: Mo mú ọ̀gẹ̀dẹ̀ náà, mo bó o jẹ.

ò: ò: mọ́fíìmù ìṣẹ̀dá: ṣeré ---> òṣèré (ii) atọ́ka ìtẹnumọ́: Mo bò óò.

Ọọ

ọ́: ọ̀rọ̀-arọ́pò-orúkọ ẹni kẹta ẹyọ ní ipò àbọ̀: Mo lọ sí ìdí òrìṣà náà, mo sì bọ ọ́.

ọ: (i) ọ̀rọ̀-arọ́pò-orúkọ ẹni kẹta ẹyọ ní ipò àbọ̀: Ó fi ọmo ọ̀dọ̀ kan ránṣẹ́, mo sì bọ́ ọ (iii) mọ́fíìmù ìṣẹ̀dá: gbọ́n ---> ọgbọ́n.

ọ̀: (i) mọ́fíìmù ìṣẹ̀dá: lẹ ---> ọ̀lẹ (ii) atọ́ka ìtẹnumọ́: Mó lọ ọ̀ọ̀

ọ́n: ọ̀rọ̀-arọ́pò-orúkọ ẹni kẹta ẹyọ ní ipò àbọ̀: Mo gbé ọmọ tí ó gbé sílẹ̀. Mo pọ̀n ọ́n sí ẹ̀yìn mi.

ọn: ọ̀rọ̀-arọ́pò-orúkọ ẹni kẹta ẹyọ ní ipò àbọ̀: Mo mú ọ̀bẹ náà. Mo pọ́n ọn dáadáa, ó mú gan-an ni.

ọ̀n: atọ́ka ìtẹnumọ́: Mo pọ́n ọn ọ̀n.

pá: láìsí irun: Orí rẹ̀ pá.

pa: (i) jẹ́ kí ó ṣe aláìsí: Ó pa ejò náà (ii) sọ: Ó pa àlọ́ fún wa (iii) ra: Ó fi epo pa ọwọ́ (iv) kí oúnjẹ má sí ní inú: Ebi ń pa mí (v) kí ó rọ̀ léni lórí: Òjò ń pa mí (vi) kí ó ràn léni lórí: Oòrùn ń pa mí (vii) láìsọ̀rọ̀: Wọ́n pa rọ́rọ́ (viii) sọ̀rọ̀: Wọ́n ń pa ariwo (ix) dà láàmú: Ọtí ń pa á (x) ṣèṣe: Ó fi ara pa (xi) jẹ́ kí ọmọ jáde nínú ẹyin: Adìẹ náà ti pa (xii) là: Ó pa obì (xiii) tà: Ó pa owó (xiv) jà: Wọ́n fi ìjà pa ẹẹ́ta (xv) wò sàn: Wọ́n pa ojú ọgbẹ́ náà (xvi) gé: Wọ́n pa ìgbẹ́ (xvii) kú: Wọ́n pa iná (xviii) darí: Wọ́n pa àṣẹ fún un pé kí ó máa lọ (xix) fọ́: Wọ́n pa èkùrọ́.

pé: (i) kó ara jọ: Wọ́n pé (ii) ní: Ó pé òun ń bọ̀ (iii) mọ́fíìmù ìfi gbólóhùn ṣẹ̀dá orúkọ: Ó rò pé òun á wá (iv) láìṣẹ́kù: Ó pé pérépéré (v) mú èrè wá: Iṣẹ́ mi pé.

pè: ní kí ó wá: Wọ́n pè é.

pẹ́: (i) ṣe àìtètè dé: Ó pẹ́: Òun ni ó gbẹ̀yìn dé (ii) yẹ̀: Ó pẹ́ ẹ sílẹ̀ (iii) ṣe àìtètè bàjẹ́: Ó pẹ́ púpọ̀ lọ́wọ́ mi.

pín: (i) là: Ó pín in sí méjì (ii) jẹ́ kí èyí tí ó kan ẹnì kọ̀ọ̀kan dé ọwọ́ rẹ̀: Ó pín in fún wọn.

pin: tí kò kọjá sí ibì kankan mọ́: Ọ̀nà dórí ọ̀pẹ pin.

pó: oríṣìí ariwo kan: Ẹnu mi ró pó.

pò: yí mọ́ ara: Ó bu mílíìkì sínú tíì, ó pò méjèèjì pọ̀.

pọ́: (i) fẹ́ atẹ́gùn sí: Ó pọ́ táyà (ii) sún ara kì: Ó pọ́ wọlé (iii) kó ìdọ̀tí jáde: Ó pọ́ ìfun ẹran.

pọ̀: (i) ṣe àìmọ níwọ̀n: Wọ́n pọ̀ gan-an ni (ii) bì: Ó pọ oúnjẹ tí ó jẹ́ (iii) tí kò wọ́n: Iṣu pọ̀ lọ́jà lónìí.

pọ́n: (i) yìn: Nítorí pé ó pọ́n ọn ni ó ṣe fún un lówó (ii) pupa: Ojú rẹ̀ pọ́n (iii) lọ̀: Ó pọ́n àdá rẹ̀ (vi) fi ewé yí: Ó ń pọ́n mọ́ínmọ́ín (v) dọ̀tí: Aṣọ rẹ̀ pọ́n (vi) ṣe àìlówó lọ́wọ́: Ojú ń pọ́n ọn.

pọn: (i) sè: Ó pọn ọtí (ii) fi abọ́ tàbí korobá gbé omi: Ó pọn omi.

pọ̀n: (i) gbé sí ẹ̀yìn: Ó pọn ọmọ rẹ̀ (ii) gbéra lọ: Wọ́n mú ọ̀nà pọ̀n.

rá: (i) fi ṣe àwátì: Owó tí ó fi silẹ̀ ti rá. Kò rí i mọ́ (ii) fà: Ó rá wọ abẹ́ ìràwé lọ.

ra: (i) pa: Ó fi epo pa ara (ii) so: Ó ra okùn wé e (Ó so ó ní okùn).

rà: (i) bàjẹ́: Ẹran yìí ti rà. Kò ṣe é jẹ mọ́ (ii) gba nǹkan kí á sì sanwó fún un: Ó ra bàtà náà ní náírà mẹ́wàá.

rán: (i) fi òwú hun pọ̀: Ó rán aṣọ náà (ii) ní kí a bá ni ṣe nǹkan: Ó rán an níṣẹ́ (iii) kí ibi tí ó ti san tẹ̀lẹ̀ tún máa dun ni láìṣe pé a tún fi pa: Ẹsẹ̀ tí mo fi pa ní ọdún tí ó kọjá tí ó ti san tún ń rán mi (iv) kéré: Ọmọ yìí rán púpọ̀ jù fún ọjọ́ orí rẹ̀ (v) fara dà: Ó fàyà rán an.

ran: (i) sọ òwú ètùtù di èyí tí a fi ń ránṣọ: Ó ran òwú (ii) jó gan-an: Ó ń ran lójú agbo.

ràn: (i) kó bá: Ó kó ikọ́ ràn mí (ii) bá ṣe: Ó ràn mí lẹ́rù (iii) tàn: Oòrùn ń ràn (iv) jó: Igi tí a kó síná ti ràn (v) tàn ká: Àìsàn yìí ti ń ràn (vi) kápá: Ọwọ́ mi ràn án. Mo lè nà án dáadáa. (vii) fà: Ìgbín ràn wọ inú igbó lọ.

ré: mú kúrò: Ó ré aṣọ kúrò lórí ìkọ́ (ii) Ọsàn náà ré láti orí igi (iii) bù díẹ̀ kúrò: Ó ré omi náà lórí (iv) gé: mo ré èékánná mi (v) gbé bú: Ó fi í ré (vi) mú: Tákúté náà ré mọ́ eku ńlá kan (vii) kúrò: Ikú ré lórí mi.

re: (i) ṣe àìní: Igi náà re ewé (ii) yájú: Ọmọ náà re jù (iii) já: Ó re ata.

rè: (i) lọ: Níbo lo rè? (ii) nì yí: Òun rè é.

rẹ́: (i) fẹ́ràn ara: Wọ́n rẹ́ (ii) gé: Wọ́n rẹ́ ẹran náà sí wẹ́wẹ́.

rẹ: (i) fi sínú omi kí ó lè rọ̀: Wọ́n rẹ aṣọ náà (ii) ọ̀rọ̀-arọ́pò-orúkọ ẹnì kejì ẹyọ tí ó jẹ́ ẹ̀yán: Aṣọ rẹ nì yí.

rẹ̀: (i) ṣe àìlókun: Mo ti ṣiṣẹ́ púpọ̀. Ó ti rẹ̀ mí (ii) pọ̀ sí i: Wọ́n bí sí i, wọ́n rẹ̀ sí i (iii) wọ́ sílẹ̀: Ewé igi náà rẹ̀ (iv) pupa: Òdòdò náà rẹ̀ dòdò (v) ọ̀rọ̀-arọ́pò-orúkọ ẹnì kejì ẹyọ tí ó jẹ́ ẹ̀yán: Aṣọ rẹ̀ nì yí.

rí: (i) fi ojú kàn: Ó rí mi (ii) jẹ: Ó rí èrè lórí ọjà (iii) jọ: Báwo ni ó ṣe rí? (Kí ni ó jọ?) (iv) tẹ́lẹ̀: Ó lọ sí ibẹ̀ rí.

ri: jìn sí ìsàlẹ̀: Ilẹ̀ náà ri.

rì: lọ sí ìsàlẹ̀ omi: Ọkọ̀ náà rì.

rín: fi hàn pé inú ẹni dùn: Ó rín ẹ̀rín.

rin: (i) ní omi nínú: Iyọ̀ náà rin (ii) pọ̀: Òjò náà rin ilẹ̀ (iii) fi irin ha: Ó rin gaàrí.

rìn: (i) kí a máa gbé ẹsẹ̀ ní ọ̀kọ̀ọ̀kan kí a sì máa sún sí iwájú tàbí ẹ̀yìn: Ó rìn wálé (ii) fi ọwọ́ tọ́: Ó rìn mí ní abíyá (iii) tẹ̀: Ó rìn mí mọ́lẹ̀ (iv) fẹ́ jẹ́ kí ènìyàn bì: Ó rìn mí láyà.

ró: (i) ọ̀rọ̀ mìíràn fún ‘nàró’: Ó ró sí iwájú ọ̀gá rẹ̀ (ii) dúró: Ó ró dè mí.

ro: (i) dùn: Ẹsẹ̀ ń ro mí (ii) gé: Ó ro oko (iii) kán: Ó ń ro sí inú abọ́ (iv) le: Òní ro fún Ọlá (v) ní ìfẹ́ láti rí: Ojú ń ro mí nítorí Adé.

rò: (i) kí ọkàn wà lára nǹkan: Ó ro inú lé e lórí (ii) pò pọ̀: Ó ro ọbẹ̀ ní orí iná (iii) sọ: Ó ro ẹjọ́ fún un (iv) sè: Ó ro ẹ̀fọ́.

rọ́: (i) sọ: Ó rọ́ àlá (ii) fi pa: Ó fi ẹsẹ̀ rọ́ (iii) yàn: Ó rọ́ àgbá (iv) dún: Àga yìí ń rọ́ kẹ́kẹ́ (v) tì: Ó rọ́ mọ́tò náà sí ojú ọ̀nà (vi) yi: Okùn yìí rọ́ (vii) ṣakọ: Ọmọkùnrin náà ń rọ́ (viii) kí nǹkan kúnná kí ó sì máa fà dọ̀ọ̀: Iyán yìí rọ́ (ix) jọ rìn pọ̀: Wọ́n rọ́ lọ.

rọ: (i) gbẹ: Ewé yìí ti rọ (ii) díjú: Ọ̀nà tí ó rọ ni o gbà (iii) ṣe: Ó rọ ọkọ́ (iv) tí kò lè lò dáadáa: Ẹsẹ̀ rẹ̀ kan rọ (v) dà: Ó rọ omi sí inú ìgò.

rọ̀: (i) bẹ́ sílẹ̀: Òjó rọ̀: (ii) dẹ̀: Ọsàn náà rọ̀ (iii) ṣìpẹ̀ fún: Ó rọ̀ ọ́ pé kí ó má lọ (iv) kí ó má le: Ajá yìí rọ̀ (v) da orí kodò: Ọ̀bọ náà rọ̀ lórí igi (vi) kí ọtí kúrò lójú ẹni: Ojú rẹ̀ ti rọ̀ (vii) kí ènìyàn máà bínú mọ́: Inú rẹ̀ ti rọ̀ (viii) ilẹ̀ ń sú lọ: Ọjọ́ ti rọ̀ (ix) kí a mú àwọn ohun tí a fẹ́: Ó ń sà, ó ń rọ̀ (x) gbé sí ẹ̀gbẹ́: Ó rọ ọmọ rẹ̀.

rú: (i) yọ: Ewé náà ń rú bọ̀ (ii) yí papọ̀: Ó rú omi (iii) dá ìjàngbọ̀n sílẹ̀: Ó rú ìlú (iv) tẹ̀ lójú: Ó rú òfin (v) kò: Ó rú iná sí oúnjẹ náà (vi) lọ sókè: Èéfín ń rú (vii) ṣe: Ó rú ẹbọ (viii) rọ: Ó rú ọkọ́ (ix) wọ̀: Ó rú sí aṣọ (x) lé jáde: Ó rú igbó kí ó lè rí ẹran pa.

ru: (i) sọ: Omi náà ń ru (ii) sú: Òrú ru (iii) bínú: Inú rẹ̀ ru (iv) yọ ìfòófòó lójú: Ọṣẹ náà ń ru.

rù: (i) ṣe aláìsanra: Ó rù (ii) gbé: Ó ru ẹrù.

rún: (i) di wẹ́wẹ́: Àwo náà rún (ii) jẹ lẹ́nu: Ó rún obì (iii) ṣiṣẹ́ lára: Ó rún awọ (iv) yí padà: Ó rún ara lórí ẹní.

run: (i) dùn: Inú ń run mí (ii) kú tán pátápátá: Ilé wọn ti run (iii) bàjẹ́: Ó run ìlú.

rùn: (i) já fíkán: Ó ń rùn: (ii) fi òkèlè bà: Ó ń run ọbẹ̀ (iii) fi gbo ẹnu: Ó ń run pákò.

sá: (i) jẹ́ kí ó gbẹ: Ó sá aṣọ (ii) fi eré gé e: Ó sá fún un.

sà: (i) kí a pe ni ní orúkọ tí a fi ń sakọ: Wọ́n sà á (ii) múra: Ó sa gbogbo agbára rẹ̀ (iii) ṣe: Ó sa oògùn (iv) fa ìlà ìdámọ̀ sí lára: Mo sà á lámì (v) baatisí: Mo sà á lámì (vi) atọ́ka ìbọ̀wọ̀fún: Mo dúpẹ́ sà.

san: (i) fún ni: Ó san owó rẹ̀ (ii) jiná: Egbò rẹ̀ ti san (iii) ṣe é padà: Ó san oore (iv) tóbi: Ó san ara.

sàn: (i) kí ara yá: Ó ti sàn fún un (ii) dára: Ó sàn jù mí lọ (iii) yí padà sí rere: Ó ń sàn lọ.

sé: (i) dí: Wọ́n sé fèrèsé (ii) ṣe aláìbọ́ sí ojú nǹkan: Òkúta tó jù sé ojú ihò náà.

sè: kí a gbé lé iná kí a sì jẹ́ kí ó jiná: Ó se ọbẹ̀ ilá.

sẹ́: (i) kọ̀ sílẹ̀: Ó sẹ́ mi lójú gbogbo ayé (ii) jọ̀: Ó sẹ́ ògì (iii) atọ́ka ìtẹnumọ́: Èmi ní sẹ́.

sẹ̀: (i) tú jáde: Ẹ̀jẹ̀ ń sẹ̀ ní ara rẹ̀ (ii) wáyé: Ìṣẹ̀lẹ̀ ńlá sẹ̀ (ii) fi gbá: Ó sẹ orí mọ́ Adé.

sí: (i) ọ̀rọ̀-atọ́kùn tí ó tọ́ka sí ibi tí a ń lọ. Ó lọ sí Èkó (ii) wà: Kò sí ní ibẹ̀.

sì: ọ̀rọ̀-asopọ̀: Ó rà á, ó sì jẹ ẹ́.

sín: (i) ti atẹ́gùn jáde ní imú lójijì bí ẹni wúkọ́: Ó sín (ii) pa: Ó sín èkùrọ́ (iii) bọ̀: Ó fi òwú sín ìlẹ̀kẹ̀.

sin: (i) bò mọ́lẹ̀: Wọ́n sin òkú wọn (ii) pamọ́: Ó fara sin.

sìn: bọ: Wọ́n sin Olúwa (ii) bá lọ: Ó sìn ín lọ sí ibẹ̀ (iii) fi fún ní ìgbéyàwó: Ó sin ọmọ rẹ̀ fún ọkọ (iv) tọ́jú: Ó ń sin adìyẹ (v) kí a sọ̀rọ̀ àìdáa sí ènìyàn: Ẹnu kò sìn lára rẹ̀ (vi) ṣiṣẹ́ fún: Ó sìn ín fún ọdún mẹ́fà (vii) bèèrè fún: Ó sìn ín ní owó.

só: ba afẹ́fẹ́ jẹ́: Nígbà tí ó só, gbogbo ènìyàn fi ọwọ́ bo imú kí wọn má baà gbọ́ òórùn.

so: (i) ta ní kókó: Ó so igi náà pọ̀ (ii) yọ ọmọ: Ọsàn náà so èso púpọ̀ (iii) kí a ta okùn mọ́ ọrùn kí a fi kọ́ igi kí a lè pa ara ẹni: Ikú àtọ̀run wá kọ́ ni ó kú, síso ni ó so (iv) ní kókó lára: Ara rẹ̀ so.

sọ: (i) yọ jáde: Igi náà sọ lẹ́gbẹ̀ẹ́ (ii) fọ̀: Ó sọ ọ̀rọ̀ (iii) fi gbá: Ó fi ẹnu sọ igi (iv) jù: Mo sọ ọ́ sí inú abọ́ (v) rán papọ̀: Ó sọ igbá (vi) gbẹ́: Ó sọ ilẹ̀.

sọ̀: (i) wá sí ilẹ̀: Ó sọ̀ láti orí òkè (ii) sọ ohun tí ó ń fi àìnítẹ̀ẹ́lọ́rùn hàn: Àti àárọ̀ ló ti ń sọ̀.

sú: (i) fọ́n nǹkan ká ní ète àtijẹ́ kí ó lè hù: Ó sú èso ẹ̀fọ́ (ii) dá lágara: Ó sú mi (iii) yọ: Ewé oko sú (iv) sẹ́gìíìrì: Ara mi sú.

sún: (i) kí a mú kí nǹkan kúrò ní ibi tí ó wà tẹ́lẹ̀: (Ó sún un sí ọ̀dọ̀ mi (ii) gún: Ẹ̀gún sún mi lẹ́sẹ̀.

sun: (i) fi iná jó kí ó lè jiná. Ó sun ẹran náà (ii) tú jáde: Omi ń sun láti inú àpáta.

sùn: (i) pa ojú dé kí oorun mú ni lọ: Ó sùn lé orí ibùsùn (ii) fi ojú dá ọ̀gangan ibi tí ohun tí a fẹ́ sọ nǹkan lù wà: Ó sùn ún dáadáa kí òkúta rẹ̀ lè ba á.

Ṣṣ

ṣá: (i) gé: Ó ṣá a ní ọgbẹ́ (ii) fa ìlà: Ó ṣá kẹ́kẹ́ (iii) tàn: Ó ṣá iná (iii) kí àwọ̀ ṣì: Aṣọ yìí ti ṣá (v) tí kò ṣeé gbọ́kàn lé: Mo fèsì kan ṣá (vi) tí kò lè mú èso púpọ̀ jáde: Ilẹ̀ yìí ti ṣá.

ṣà: mú: Mo ṣà wọ́n nílẹ̀.

ṣán: (i) gé: Mo ṣán igbó (ii) rẹ́: Ó fi símẹ́ńtì ṣán ògiri (iii) jù síbí, jù sọ́hùn-ún: Ó ṣán apá (iv) bù jẹ: Ejò ṣán an (v) sọ mọ́: Ó gbé e ṣánlẹ̀.

ṣàn: (i) wọ́ láti ibìkan lọ sí ibòmíràn: Omi náà ń ṣàn lọ (ii) fọ ara láìsí ọṣẹ: Ó ṣan ara (iii) fọ ọṣẹ kúrò lára: Ó ṣan aṣọ (iv) tí kò ki: Ọbẹ̀ yìí ṣàn.

ṣé: atọ́ka ìbéèrè: Ṣé Olú lọ?

ṣe: (i) ṣẹ̀dá nǹkan: Ó ṣe àpótí (ii) sọ dà: Ó ṣe é ní òfin (iii) tí a lè lò fún nǹkan: Awọ yìí ṣeé ṣe bàtà (iv) atọ́ka ìtẹnumọ́: Ṣe ni mo jẹ ẹ́ (v) bá mu: Ó ṣe wẹ́kú (vi) sọ: Ó ṣe é ní pẹ̀lẹ́.

ṣẹ́: (i) dá: Ó ṣẹ́ igi náà (ii) ká: Mo ṣẹ́ aṣọ náà sí méjì (iii) fi ewé bo: Ó ṣẹ́ ilé náà (iv) àjùmọ̀rìn nǹkan tí ó pọ̀: Ikán ṣẹ́ láti ibẹ̀ (v) ṣe àìlówó lọ́wọ́: Ìṣẹ́ ń ṣẹ́ ẹ.

ṣẹ: di òótọ́: Ọ̀rọ̀ rẹ̀ ṣẹ.

ṣẹ̀: (i) dá ọ̀ràn: Ó ṣẹ̀ sí òfin ìlú wọn (ii) wá láti ibìkan: Ifẹ̀ ni a ti ṣẹ̀ (iii) kí nǹkan tí kò dára wáyé: Ọ̀fọ̀ ṣẹ̀ ẹ́ (iv) bẹ́ sílẹ̀: Iná ṣẹ̀ (v) gbé: Ó fi orí ṣẹ ẹrù náà.

ṣí: (i) rò pọ̀: Ó ṣí owó (ii) tí kò sí ní pípadé: Ó ṣí ilẹ̀kùn (iii) rà: Ó ṣíyán (iv) jẹ́ kí ó máa lọ: Ó ṣí ọkọ̀ (v) bẹ̀rẹ̀: Ó ṣígun (vi) kúrò: Ó ṣí lọ sí Èkó

ṣì: (i) ṣe àṣìṣe: Ó ṣi ìṣirò méjì (ii) tí kò tí ì dáwọ́ rẹ̀ dúró: Ó ṣì ń lọ sí ibẹ̀ (iii) tí kò tuntun mọ́: Àwọ̀ aṣọ náà ti ṣì (iv) tí ara rẹ̀ kò yá gágá: Ojú rẹ̀ ṣì.

ṣò: tóbi jù: Ṣòkòtò yìí ṣò mí.

ṣọ́: dáàbò bò: Ọlọ́dẹ ń ṣọ́ ilé náà.

ṣú: (i) di dúdú: Ilẹ̀ ti ṣú (ii) fẹ́ẹ́ rọ̀: Òjò ti ṣú (iii) ṣe àìmoore: Ó fi ibi ṣú u (iv) fi èébú san èébú: Ó ṣú mi lóhùn.

ṣu: yàgbẹ́: Ó lọ ṣu.

ṣù: (i) ṣe rìbìtì: Ó ṣu ẹ̀bà (ii) pọ́n: Ó ṣu ẹ̀kọ (iii) pé jọ lé lórí: Àwọn oyin ṣù bò ó.

ta: (i) yọ síta: Eyín rẹ̀ ta (ii) fi nǹkan tí ó lóró gún lára: Oyin ta á (iii) atọ́ka àmì ìbéèrè: Ta nìyẹn? (iv) yàn: Ó ta ìbọn (v) gbá: Eṣin ta á nípàá (vi) fọ́: Mo ta ifọ̀n tí ó lé sí mi lára (vii) wọ́n sí: Ó ta epo sí mi lára (viii) so mọ́ nǹkan: Ó ta okùn (ix) sá sí iwájú: Ó ta kéré (x) ṣẹlẹ̀ sí lójijì: Ó ta gìrì (xi) jó: Atá ta mí lẹ́nu (xii) ṣe eré: Wọ́n ta ayò (xiii) yọmọ: Iṣu yìí ta (xiv) rùn: Ó ń ta sánsán (xv) pariwo: Òkìkí ta (xvi) yọ: Oòrùn ta (xvii) fẹ́ jiná: Àgbàdo tí a sun yìí ń ta pàrà (xviii) ṣe àìlówó: Òṣí ta á (xix) dùn: Orí ń ta mí.

tà: fún ènìyàn ní nǹkan kí a sì gba owó rẹ̀: Ó ta ọjà fún mi.

tan: jẹ́ ará ilé: Wọ́n tan.

tàn: (i) kí a má lè lọ sí ibì kankan mọ́: Ó ti tàn sí Èkó (ii) jẹ́ kí ó wáyé: Iná tàn (iii) ṣe àìṣòótọ́: Ó tàn mí.

te: kó jọ ní méní méjì: Ó te é jọ.

tẹ́: (i) dá ojú tì: Ó ti tẹ́ lórí ọ̀rọ̀ yẹn (ii) nà sílẹ̀: Ó tẹ́ ẹní (iii) tí kò ní adùn: Oúnjẹ yìí ti tẹ́ (iv) ṣe pẹrẹsẹ: Ilẹ̀ náà tẹ́.

tẹ̀: (i) gbẹ́sẹ̀ lé: Ó tẹ̀ ẹ́ (ii) ṣe àìtọ́: Ó tẹ̀ (iii) bẹ̀rẹ̀ gún: Ó tẹ iyán (iv) bá sọ̀rọ̀: Wọ́n ń tẹ̀ (v) fi ẹ̀rọ hàn-ǹ-túrú: Ó te ìwé (vi) sè: Ó tẹ ẹ̀bà (vii) rí mú: Ọwọ́ ti tẹ̀ ẹ́ (viii) fi ẹsẹ̀ rìn lórí: Ó ń tẹ ilẹ̀ jẹ́jẹ́ (ix) jìn: Abọ́ yìí tẹ̀ sí inú (x) múra sílẹ̀ láti bímọ: Òbí tẹ̀ ẹ́ (xi) fi kọrin: Ó ń tẹ dùùrù.

tí: (i) ṣe àìtitun: Aṣọ náà ti tí (ii) lù: Ó tí mi nígi (iii) atọ́ka awẹ́-gbólóhùn aṣàpèjúwe: Aṣọ tí mo rà nìyí.

ti: (i) ha: Ó fi èékánná ti í jẹ (ii) atọ́ka ibá-ìṣẹ̀lẹ̀ àṣetán: Ó ti lọ (iii) atọ́ka ìbéèrè: Tìrẹ ti jẹ́? (iv) orísun: Ó ti Èkó lọ sí Ìbàdàn (v) tí ó jẹ́ tẹni: Aṣọ ti èmi.

tì: (i) wà nítòsí: Ilé wa ti tirẹ̀ (ii) rárá: Ó tì (iii) sún sí iwájú: Ó ti mọ́tò náà (iv) padé: Ó ti ilẹ̀kùn (v) sọ di yẹpẹrẹ: Ojú tì í.

tin: ṣe aláìsanra: Ó tin lápá tin lẹ́sẹ̀.

tó: (i) ṣe wẹ́kú: Ọbẹ̀ yìí tó mií jẹun (ii) bí ìwọ̀n kan náà: Ó ga tó mi (iii) àròpọ̀ nǹkan: Ó tó aṣọ mẹ́ta tí ó rà (iv) yẹ tàbí kí ó tọ́ sí: Aṣọ náà tó náírà mẹ́wàá (v) atọ́ka ìtẹnumọ́: Ojú mi rí tó (vi) lè fi kàn: Ọwọ́ mi tó ìwé náà.

tò: (i) wà ní orí ìlà: Wọ́n tò (ii) kó jọ pọ̀ ní ẹsẹẹsẹ: Ó tò wọ́n.

tọ́: (i) pẹ́ẹ́ bàjẹ́: Bàtà yìí tọ́. Ọdún kẹwàá tí mo ti ń lò ó nì yí (ii) gún: Ọ̀pá ìbọn náà tọ́ (iii) wá ní ìjà: Ó tọ́ mi (iv) bá mu: Ọ̀rọ̀ tí ó sọ tọ́ (v) kọ́ tàbí kí a gbé lọ́dọ̀: Ó tọ́ mi (vi) bá ṣeré: Ó ń tọ́ mi kí n lè dá sí ọ̀rọ̀ rẹ̀ tàbí kí n lè bá a ṣeré (vii) bù nínú: Ó tọ́ ọbẹ̀ sí inú àwo (viii) já ní ọ̀kọ̀ọ̀kan: Ó tọ́ ẹ̀fọ́ (ix) fi ọwọ́ kàn: Ó tọ́ mi (x) yẹ kí ó jẹ́ tẹni: Ó tọ́ sí mi.

tọ: (i) fò: Ó tọ sókè (ii) jẹ: Ìyà tọ lé e.

tọ̀: (i) tẹ̀lé: Ó tọ̀ mí lẹ́yìn (ii) ṣẹ̀yọ́: Ó ń tọ̀.

tú: (i) yọ kúrò nínú ìdè: Ó tú u sílẹ̀ (ii) dà: Ó tú omi sí i (iii) sọ: Ó tú àṣíírí mi (iv) sáré kúrò ní ibi kan: Ojà tú (v) fọ́: Eéwo mi ti tú (vi) rọ̀ kí ó sì dára láti jẹ lẹ́nu: Iṣu náà ń tú (vii) mú kúrò: Ó tú iṣu lórí iná.

tu: (i) bu itọ́ sí: Ejò náà tu sí i lójú (ii) sáré: Ó tu nígbà tí ó rí ejò (iii) fà yọ: Ó tu koríko (iv) sà ní ọ̀kọ̀ọ̀kan: Ó tu wọ́n jọ.

tù: (i) wà: Ó tu ọkọ̀ (ii) rọ̀: Ó tù ú nínú (iii) kí ara yá: Oówo náà ti tù mí.

tún: lẹ́ẹ̀kan sí i: Ó tún lọ sí ibẹ̀.

ú: ọ̀rọ̀-arọ́pò-orúkọ ẹni kẹ́ta ẹyọ ní ipò àbọ̀: Ó rù ú lé orí.

u: ọ̀rọ̀-arọ́pò-orúkọ ẹni kẹ́ta ẹyọ ní ipò àbọ̀: Ó dú u ní ọrùn.

ù: atọ́ka ìtẹnumọ́: Ó dù ú ù.

ún: ọ̀rọ̀-arọ́pò-orúkọ ẹni kẹ́ta ẹyọ ní ipò àbọ̀: Ó dùn ún.

un: ọ̀rọ̀-arọ́pò-orúkọ ẹni kẹ́ta ẹyọ ní ipò àbọ̀: Ó mú un.

ùn: atọ́ka ìtẹnumọ́:Ó fún un ùn.

wá: (i) rìn sún mọ́ ọ̀dọ̀ ẹni: Ó wá sí ilé (ii) fẹ́ láti rí ohun tí ó sọnù: Wọ́n ń wá owó náà (iii) gbọ̀n: Ó ń wá rìrì (iv) sè: Ó ń wá oúnjẹ (v) nísisìyìí: Ó wá yé mi (ii) gbẹ́: Ó wa ilẹ̀ (iii) jẹ́ kí ó rìn: Ó wa ọkọ̀ (iv) mú kúrò: Mo wa ráìsì lórí iná (v) mu: Mo wa gaàrí.

wé ‘gẹ̀: Mo wé gèlè mi sí orí.

wẹ́: (i) tí kò sanra: Ó wẹ́: (ii) kí a gún tàbí kí a lọ̀ kí ó máà kúnná: Ó wẹ́ ata (iii) bá ṣeré: Ó wẹ́ pẹ̀lú ìyàwó rẹ̀.

wẹ: kínǹkan le tàbí kí nǹkan náà pọ̀: Ilẹ̀ wẹ.

wẹ̀: (i) fọ̀: Ó wẹ ara rẹ̀ (ii) kẹ̀: Èmi wẹ̀.

wí: (i) sọ: Kí lo wí? (ii) dá: Ó wí èésú.

wì: sun: Ó wi ẹran.

wín: yá: Ó wín mi lówó.

wó: (i) dà lulẹ̀: Ilé náà wó (ii) kú: Erin wó.

wo: (i) kí ara súnkì bí òkúta: Ọmọ náà wo (ii) ṣe àìsùn: Ọmọ náà kò sùn bẹ́ẹ̀ ni kò wo.

wò: (i) fi ojú rí: Ó wò mí (ii) bẹ̀rù: Ó ń wo ìhín wo ọ̀hún (iii) dákẹ́: Ọ̀rọ̀ rẹ̀ di wò mí n wò ọ́ (iv) ṣe àkíyèsí dáadáa: Ó wò ó wò (v) tọ́jú: Ó wò ó sàn (iv) bèèrè ọ̀rọ̀ lọ́wọ́: Ó wo ifá sí ọ̀rọ̀ náà (vii) bọ́: Ó wo ọmọ náà dàgbà (viii) máà jẹ́ kí ó kú: Ọlọ́run wo ọmọ náà.

wọ́: (i) ṣe aláìgún: Igi yìí wọ́ (ii) fà nílẹ̀: Ó wọ́ ọ (iii) fi ọwọ́ àti ìdí rìn: Ó ń wọ́ nílẹ̀ (iv) là bọ́ sí òdì kejì: Ó fi ẹsẹ̀ wọ́ omi kọjá (v) jọ rìn papọ̀: Èrò ń wọ́ nínú ilé wọn (vi) fi pa: Ó fi oògùn wọ́ ọ lára.

wọ̀: (i) jẹ́ ìtẹ́wọ́ gbà: Ó wọ̀ fún mi (ii) kó sí: Ó wọ inú ilé (iii) já bọ́: Èso náà wọ̀ sílẹ̀ (iv) gbé sí ọrùn: Ó wọ ẹ̀wù (v) kó ìdọ̀tí jáde: Mo wọ ìbẹ́pẹ (vi) gbé: Ó wọ̀ sí ilé mi (vii) dé sí ibi tí yóò sùn: Adìyẹ náà ti wọ̀ (viii) padà sí ibi tí ó ti jáde: Oòrùn ti wọ̀ (ix) tà dáadáa: Ajé wọ igbá (x) mọ̀ lára gan-an: Oorun-ún wọ̀ ọ́ lára (xi) dákẹ́: Ó wọ̀ sin (xii) wúwo: Ẹrù náà wọ̀ ọ́ lọ́rùn (xiii) ráyè: Ó rí ibi bá wọ̀ ọ́.

wọ́n: (i) ọ̀rọ̀-arọ́pò-orúkọ ẹni kẹ́ta ẹyọ ní ipò olùwà: Wọ́n lọ (ii) kí ó má pọ̀: Òjò kò rọ̀. Omi wọ́n lọ́dún yìí (iii) mú kúrò: Ó wọ́n aṣọ sọnù ní ara rẹ̀ (iv) já: Ó wọ́n ilẹ̀kùn (v) kán sí: Ó wọ́n omi sí i lára (vi) mú: Ó wọ́n bọ́ọ̀lù (vii) gbà lẹ́nu ọmú: Ọmọ náà ti wọ́n (viii) gbé owó lórí: Ọjà rẹ ti wọ́n jù (ix) fi pa: Ẹsẹ̀ mi wọ́n.

wọn: (i) kán sílẹ̀: Òjò ń wọn (ii) ọ̀rọ̀-arọ́pò-orúkọ ẹni kẹ́ta ọ̀pọ̀ ní ipò àbọ̀: Mo rí wọn (iii) ọ̀rọ̀-arọ́pò-orúkọ ẹni kẹ́ta ọ̀pọ̀ ní ipò olùwà: Wọn kò rí i.

wọ̀n: (i) yẹ bí nǹkan ti tó wò: Ó wọn ara rẹ̀ lórí síkéèlì (ii) yẹ bí nǹkan ti ga tó wò: Ó fi rúlà wọn ara rẹ̀.

wú: (i) gbẹ́: Ó wú ilẹ̀ (i) tóbi sí i: Ara rẹ̀ wú (ii) ṣe ni bí i kí a máa sunkún: Orí rẹ̀ wú (iv) tètè dàgbà: Ó wú ju ọjọ́ orí rẹ̀ lọ (v) gbẹ́: Ó wú ikọ́ (vi) gbàdúrà: Ó wúre.

wu: wà nínú ìjàǹbá: Ewu wu ú.

wù: (i) fẹ́ràn: Ó wù mí (ii) bàjẹ́: Ẹ̀bà yìí ti wù (iii) yọ jáde nínú ilẹ̀: Àgbàdo yìí ti wù.

yá: (i) tètè: Ó yá mi (ii) fún ènìyàn ní nǹkan tí a ó sì gbà pàdà lọ́wọ́ rẹ̀: Ó yá mi ní owó (iii) gba nǹkan lọ́wọ́ ènìyàn tí a ó sì san padà: Mo yá owó lọ́wọ́ rẹ̀ (iv) àkókò tó: Ó yá kí a lọ (v) rọrùn: Iṣẹ́ yìí yáá ṣe (vi) fi ọwọ́ fa ìjọ̀ngbọ̀n: Ara ikú ń yá a (vii) sàn: Ara mi ti yá (viii) dunnú: Ara rẹ̀ yá gágá (ix) gbà sí ara: Ó yá iná.

ya: (i) gé sí wẹ́wẹ́: Ó ya ìwé (ii) kí nǹkan pọ̀ jù kí ó sì dé ibi tí kì í dé tẹ́lẹ̀: Odò náà ya (iii) gba ẹ̀san: Ó ya oró lára rẹ̀.

yà: (i) kọ ojú sí: Ó yà sí apá òsì (ii) fà: Ó ya àwòràn (iii) fi bí a ṣe jẹ́ hàn: Ó ya ọ̀lẹ (iv) kóòmù: Ó ya irun (v) ré kọjá: Ó bá mi lọ́nà ó sì yà mí (vi) pín sí ọ̀tọ̀ọ̀tọ̀: Wọ́n yà wọ́n.

yán: (i) ti afẹ́fẹ́ jáde láti ẹnu: Ó yán hóóó (ii) nà: Ó yán mi lọ́pàá (iii) jù: Ajá náà yán ìrù (iv) àìbalẹ̀ ara: Wọ́n na ọmo mi, ojú mi yán (v) bùjẹ: Ejò yán an.

yan: (i) sun: Wọ́n yan ẹran (ii) rọra máa gbé ẹsẹ̀ ní ọ̀kọ̀ọ̀kan: Ó ń yan bí olówó.

yàn: (i) rà: Ó yan ẹ̀kọ (ii) sọ dà: Ó yàn mí ní aṣojú rẹ̀ (iii) di àtẹ́wọ́gbà Obì yàn.

yé: (i) kí a mọ ohun tí ẹnìkan ń sọ: Ó yé mi (ii) yín: Adìẹ náà yé ẹyin (iii) dá dúró: Ó yé iṣẹ́ẹ́ sẹ (iv) jọ̀wọ́: Yé, bá mi ṣe é.

yè: ṣe àìkú: Ọmọ náà ti yè.

yẹ: ṣe wẹ́mú tàbí kí ó bá a mu: Ó yẹ ẹ́.

yẹ̀: pẹ́ sílẹ̀ tàbí kí a sún un síwájú: Ó yẹ ìpàdé náà sí ọ̀la.

yí: (i) rìn ní olóbìírípo: Ó ń yí ní ojú kan (ii) pa ojú dà: Ó yí sí ọ̀hún (iii) máa rọra lọ: Ó ń yí lọ (iv) yí: Ó yí rédíò sókè.

yi: le: Ẹran yìí yi púpọ̀.

yín: (i) rọra máa bù: Ó ń yín oúnjẹ jẹ (ii) yí: Ó yín rédíò rẹ̀ sókè (iii) ẹ̀yin: Ó rí i yín (iv) jẹ́ kí ó máa já bọ́ ní ọ̀kọ̀ọ̀kan: Ó yín àgbàdo (v) gbé sókè: Ó yín imú sí mi.

yin: (i) gé: Ó fi ọ̀bẹ yin etí tábìlì (ii) fi ọgbọ́n béèrè: Ó yin ọ̀rọ̀ gbọ́ lẹ́nu rẹ̀ (iii) rọra jẹ: Ó ń yín in jẹ.

yìn: (i) kan sáárá sí: Wọ́n yìn ín fun oore ńlá tí ó ṣe fún wọn (ii) ta: Ó yin ìbọn.

yó: (i) tí ebi kò pa mọ́: Mo ti jẹun yó (iii) mu àmujù ọtí: Mo ti yó.

yọ́: (i) rọra rìn: Ó ń yọ́ bọ̀ lẹ́yìn mi (ii) fà: Ó yọ ọ́ sí ìta (ii) hù: Iṣu náà ti yọ jáde (iii) kúrò: Ó yọ nínú ewù (v) mú jáde: Àgbàdo yìí ti yọ ọmọ (vi) dá dúró: Wọ́n yọ ọ́ níṣẹ́ (vii) jọ ni lójú: Iṣẹ́ rẹ̀ yọ (viii) ṣú: Ọ̀rọ̀ náà ti yọ ní ẹ̀mí mi.

yọ̀: (i) fi ṣe ẹlẹ́yà: Wọ́n yọ̀ ọ́ (ii) dunnú: Wọ́n ń yọ̀ (iii) kí ẹsẹ̀ wọ́ nílẹ̀: Ó yọ́ ó sì subú (iv) kí: Ó yọ̀ fún un (v) fà dọ̀ọ̀ọ̀: Gọ́ọ̀mù náà ń yọ̀ (vi) mọ ọ̀rọ̀ọ́ sọ: Ẹnu rẹ̀ yọ̀ (vii) hùwà bí ọmọ tí a ti kẹ́ bàjẹ́: Wọ́n fún ọmọ náà ní ogún náírà, ó ní kò tó òun ún jẹun. Ó ń yọ ni.

yún: (i) lọ: Ó yún ibẹ̀ lẹ́ẹ̀mẹ́ta (ii) họ: Ó yún ara (iii) fẹ́ra kù: Ó ti yún.

yùn: gé: Ó fi ayùn yùn ún.

Yoruba for Academic Purpose

Wednesday, 3 June 2015

Yoruba Monosyllabic Words (Yorùbá -Yorùbá)

No comments:

Post a Comment